8 orë më parëMbi 100 raketa ruse sulmojnë Ukrainën, 40% e Kyivit pa energji elektrike, Lvivi në terr
Periskopi(3 vite më parë)
(3 vite më parë)Disa qytete në Ukrainë, duke përfshirë kryeqytetin e saj, Kievin, janë përballur në mëngjesin e sotëm me raketa ruse, thonë autoritetet ukrainase. Këshilltari i zyrës presidenciale Oleksiy Arestovych shkroi në Facebook se më shumë se 100 raketa po vinin, në disa valë, dhe alarmet e sulmit ajror mund të dëgjoheshin në të gjithë vendin. Shpërthimet […]
Disa qytete në Ukrainë, duke përfshirë kryeqytetin e saj, Kievin, janë përballur në mëngjesin e sotëm me raketa ruse, thonë autoritetet ukrainase.
Këshilltari i zyrës presidenciale Oleksiy Arestovych shkroi në Facebook se më shumë se 100 raketa po vinin, në disa valë, dhe alarmet e sulmit ajror mund të dëgjoheshin në të gjithë vendin.
Shpërthimet u dëgjuan në Kiev, Zhytomyr dhe Odesa, sipas një korrespondenti të Reuters dhe raportimeve të mediave lokale.
U njoftuan ndërprerje të energjisë në rajonet Odesa dhe Dnipropetrovsk, me qëllim minimizimin e dëmeve të mundshme në infrastrukturën energjetike.
Kryebashkiaku i Kyivit, Vitali Klitschko tha se 40% e qytetit është pa energji elektrike, shkruan Sky News, përcjell Periskopi.
“40% e konsumatorëve të kryeqytetit janë pa energji elektrike pas sulmit me raketa. Në lidhje me masat e nevojshme të sigurisë të përdorura nga punonjësit e energjisë elektrike gjatë një alarmi ajror”.
“Momentalisht, inxhinierët energjetikë po punojnë për rivendosjen e furnizimit me energji elektrike”, tha ai.
Më herët, u raportua se 90% e qytetit perëndimor të Lviv ishte pa energji elektrike.
Fotografia e lajmit është ilustrim
