Kurti: Njerëzit në barrikada janë tullacë e me mjekra, imitojnë Drazha Mihailoviqin

Ai ka thënë se barrikadat në veri janë vendosur nga njerëz me uniforma të errëta.

I pari i Qeverisë, përshkruan tipare tjera fizike të barrikaduesve, që i bëjnë ata t’i ngjarjnë edhe më shumë Mihailoviqit sipas tij.

“Këto janë barrikada të njerëzve me uniforma të errëta, njerëz që janë tullac, me mjekër, duke imituar Drazha Mihailoviqin. Barrikadat e Wagnerit. Ata kanë armë dhe vendosin barrikada jo për të penguar kalimin e automjeteve, por për të mbrojtur atë njeri të armatosur me uniformë që do të qëllonte në automjete që do t’u afroheshin. Pra, këto janë barrikada luftarake”, ka thënë kryeministri i Kosovës Albin Kurti në një intervistë për portalin Istraga.ba.

Po në këtë intervistë,  Kurti ka thënë se heqja e barrikadave në veri është vetëm çështje ditësh.

“Nuk mund të zgjasë me muaj. As nuk mundet për javë të tëra. Mund të zgjasë vetëm me ditë”, ka thënë Kurti.