4 orë më parëGaxherri thotë se Kurti po tenton ta zvarris dialogun njëjtë si Vuçiqi
Periskopi(3 vite më parë)
(3 vite më parë)Anëtarja e Kryesisë së Lidhjes Demokratike të Kosovës, Besa Gaxherri, deklaroi se kryeministri i vendit, Albin Kurti, po ndjek po të njëjtën rrugë sikurse presidenti i Serbisë, Aleksandar Vuçiq, pasi sipas saj, Kurti po tenton ta zvarrisë procesin e dialogut. Më tej, Gaxherri tha se Kurti po tenton ta neglizhojë dialogun pasi u ka premtuar […]
Më tej, Gaxherri tha se Kurti po tenton ta neglizhojë dialogun pasi u ka premtuar qytetarëve se nuk do të dialogojë me Serbinë.
“Me sjellje të tilla, kryeministri i vendit Albin Kurti, të bën të kuptosh se po ndjek të njëjtën rrugë sikurse Vuçiqi që është i interesuar ta neglizhojë e të krijojë “status quo’ për këtë proces, po të njëjtën gjë ka dëshirë ta bëjë Kurti për shkak se u ka thënë elektoratit unë nuk e bëj Zajednicën, unë nuk bëj dialog me Serbinë, e tash asnjë gjë nuk është ashtu. Kurti duhet të reflektojë, sepse është kryeministër i të gjithëve tani. Ai duhet ta kuptojë që nuk mundet të bëjë revolucion pasi ka ardhur në Qeveri”, deklaroi Gaxherri në Tëvë1.
E pyetur se ka partnerë tjerë SHBA dhe BE që mund ta çojnë tutje çështjen e asociacionit, Gaxherri tha se realisht asociacionin duhet ta bëjë Qeveria.
Gaxherri, ka thënë se barrikadat në veri nuk janë problem, sipas saj, problem janë sjelljet e kryeministrit të vendit Albin Kurti.
Sipas Gaxherrit, barrikadat të vendosura në veri janë politike dhe sipas saj, ato mund të largohen në pajtim me KFOR-in, NATO-n dhe SHBA-në.
“Krejt kjo mund të ndodhë në pajtim me KFOR-in, me NATO-n, me ShBA-në, nuk është ndonjë problem ato barrikada ato janë krejt politike, sjelljet e kryeministrit janë problem pikërisht sjelljet e tij për të shkaktuar këtë krizë që u bë pa nevojë”, tha ajo.
Anëtarja e LDK-së, tha se Vetëvendosje që tanimë është në pushtet ka përfituar nga situatatë edhe kur nuk është dashtë.
“Ju e dini të gjithë ne e kemi pasë Vetëvendosjen një kohë të gjatë në opozitë dhe vërtetë kemi pasë jo vetëm kundërshtime, por kemi pasë edhe akuza të rënda deri në tradhtarë për aspektin e veriut edhe por secili subjekt politik kur është fjala në raport me Serbinë. Dhe qysh po e shihni dhe tash VV-ja, nuk ka opozitë në raport me dialogun me Serbinë dhe çështjet nacionale, ndërsa Vetëvendosja nuk ka qenë e tillë, ka qenë një subjekt politik i cili ka përfitu edhe kur s’është dashtë. Dmth gjithmonë e ka shfrytëzu çdo situatë për të përfituar dhe unë po them se kemi pasë barrikada shumë më të mëdhaja ose më të fuqishme të cilat janë largu problemi”, tha ajo.
