Eksportet e armëve të Gjermanisë arrijnë në 8.35 miliardë euro në vitin 2022

Eksportet e armëve të Gjermanisë arritën në 8.35 miliardë euro (8.9 miliardë dollarë) në vitin 2022, sipas shifrave zyrtare të publikuara të martën.

Ukraina është bërë marrësi më i madh i armëve gjermane këtë vit, konfirmoi qeveria në një përgjigje me shkrim ndaj një pyetjeje parlamentare.

Qeveria miratoi dërgimin e armëve me vlerë 2.24 miliardë euro (2.4 miliardë dollarë) për Ukrainën, e cila po lufton një luftë të nisur nga Rusia që nga shkurti, duke përfshirë 30 tanke Gepard, 14 obusë vetëlëvizës dhe sisteme të mbrojtjes ajrore Iris-T, sipas shifrave.

Gjermania është aktualisht eksportuesi i pestë më i madh i armëve në botë, pas SHBA-së, Rusisë, Francës dhe Kinës.

Megjithëse qeveria këmbëngul se po ndjek një politikë të jashtme paqësore dhe po promovon çarmatimin global, rritja e vazhdueshme e eksporteve të armëve po tërheq kritika nga partitë opozitare.

Vitin e kaluar, eksportet e armëve të Gjermanisë arritën një rekord të të gjitha kohërave prej 9.35 miliardë euro (9.9 miliardë dollarë)./kp