2 orë më parëDeputeti i VV-së i kapet KFOR-it pse s’po i largon barrikadat: Zhagitja e tyre e papranueshme
Periskopi(3 vite më parë)
(3 vite më parë)Edhe një deputet i VV-së sot ka marrë iniciativën “ti çepojë” KFOR-it pse barrikadat në veri nuk janë hequr. Është ky Adnan Rrustemi, deputet nga partia në pushtet, ai që me anë të një postimi në Facebook iu “kap” misionit paqeruajtës të NATO-s, duke thënë se deklaratat dhe zhagitjet e tij janë të papranueshme. “Rendi […]
Është ky Adnan Rrustemi, deputet nga partia në pushtet, ai që me anë të një postimi në Facebook iu “kap” misionit paqeruajtës të NATO-s, duke thënë se deklaratat dhe zhagitjet e tij janë të papranueshme.
“Rendi dhe ligji duhet të mbizotërojë. Me krimin dhe paligjshmërinë nuk mund të negociohet. Barrikadat duhet të hiqen sa më parë dhe Policia e Kosovës ka të gjitha kapacitetet ta bëjë këtë gjë”, shkroi ai.
Postimi i plotë i Rrustemit:
Duhet ta themi rendin e gjërave ndonëse ai është shumë i thjeshtë dhe i qartë:
Në Republikën e Kosovës janë bllokuar disa prej rrugëve nacionale. Dhe kjo është e paligjshme.
Këto barrikada janë vendosura nga struktura kriminale dhe të armatosura që dirigjohen direkt nga Beogradi, madje këtë edhe e kanë pranuar zyrtarisht.
KFOR ka kërkuar pak kohë nga institucionet e Republikës së Kosovës për t’i hequr këto barrikada të paligjshme.
Jemi në ditën e 14 dhe sot KFOR deklaron që kjo punë të zgjidhet me dialog.
Këto deklarata dhe kjo zhagitje vërtetë po bëhen të papranueshme dhe janë duke kaluar çdo pritje. Rendi dhe ligji duhet të mbizotërojë. Me krimin dhe paligjshmërinë nuk mund të negociohet. Barrikadat duhet të hiqen sa më parë dhe Policia e Kosovës ka të gjitha kapacitetet ta bëjë këtë gjë.
