3 orë më parëBarrikadat e reja në veri përmes fotografive
Periskopi(3 vite më parë)
(3 vite më parë)Mëngjesin e 27 dhjetorit, në Mitrovicë të Veriut është ngritur një barrikadë. Barrikada është vendosur në një rrugë që lidh Mitrovicën e Veriut – të banuar me shumicë serbe – me atë të Jugut, që banohet me shumicë shqiptare. Radio Evropa e Lirë sjell disa fotografi të barrikadës së re të ngritur në Mitrovicë të […]
Barrikada është vendosur në një rrugë që lidh Mitrovicën e Veriut – të banuar me shumicë serbe – me atë të Jugut, që banohet me shumicë shqiptare.
Radio Evropa e Lirë sjell disa fotografi të barrikadës së re të ngritur në Mitrovicë të Veriut:
“Në veri të vendit, gjatë natës persona/grupe kriminale, kanë vazhduar vendosjen e barrikadave duke penguar edhe më tej lirinë e lëvizjes së lirë. Referuar informacioneve zyrtare, janë vendosur edhe dy barrikada me mjete të rënda”, tha Policia.
Barrikada e vendosur në Mitrovicë të Veriut gjendet tek udhëkryqi i Shkollës Teknike, tha Policia.
Ky lokacion gjendet në afërsi të Lagjes së Boshnjakëve, që është një vendbanim multietnik, ku jetojnë shqiptarë, serbë dhe boshnjakë dhe rruga ku është vendosur barrikada është një prej rrugëve që lidh Mitrovicën e Veriut me atë të Jugut.
Ndërkaq, barrikada e vendosur te Kërshi i Dudës pamundëson lëvizjen nga Mitrovica e Jugut në drejtim të Rudarës, Komuna e Zveçanit.
