4 orë më parëZgjedhjet e jashtëzakonshme në veri, KQZ: Një subjekt politik ka dorëzuar kërkesën për pjesëmarrje
Periskopi(4 vite më parë)
(4 vite më parë)Në katër komunat, Mitrovicë e veriut, Zveçan, Leposaviq dhe Zubin Potok është vendosur që zgjedhjet e jashtëzakonshme të mbahen me 18 dhjetor. Ky vendim erdhi nga presidentja e vendit, Vjosa Osmani pas një takimi që kishte me përfaqësuesit e partive politike. U bën katër ditë që kur është caktuar data e zgjedhjeve dhe vetëm një […]
Kështu ka konfirmuar për Periskopin, zëdhënësi i KQZ-së, Valmir Elezi.
Ai tha se kërkesa për pjesëmarrje në zgjedhjet e jashtëzakonshme është dorëzuar nga Iniciativa Qytetare Mitrovica.
“Deri më sot, në orën 16:00, pra e premte 18 nëntor, KQZ-ja ka pranuar 1 kërkesë për certifikim për pjesëmarrje në zgjedhjet e jashtëzakonshme për kryetar të komunës së Mitrovicës së Veriut. Kjo kërkesë është paraqitur në emër të subjektit politik Iniciativa Qytetare Mitrovica. Pra, ky subjekt politik ka dorëzuar kërkesën për pjesëmarrje vetëm në zgjedhjet e jashtëzakonshme për kryetar të komunës së Mitrovicës së Veriut”, tha Elezi për Periskopin.
Tutje Elezi njoftoi se afati për aplikm për certifikim të subjekteve politike dhe kandidatëve për pjesëmarrje në zgjedhje do të përfundojë më 21 nëntor 2022.
“Afati për aplikim për certifikim të subjekteve politike dhe kandidatëve për pjesëmarrje në zgjedhje ka filluar më 15 nëntor dhe do të përfundojë më 21 nëntor 2022. Pra, të gjitha subjektet politike (partitë politike, kandidatët e pavarur, koalicionet dhe iniciativat qytetare) të cilat duan të marrin pjesë në zgjedhjet e jashtëzakonshme për kryetar në këto katër komuna kërkesat për certifikim duhet t’i dorëzojnë në KQZ, përkatësisht në Zyrën për Regjistrim, Certifikim dhe Kontroll Financiar të Subjekteve Politike (ZRCKFSP), gjatë orarit të punës nga ora 08:00 deri në orën 16:00”, përfundoi Elezi./Iliriana Xhylani-Periskopi
