5 orë më parëVdes ministri i Jashtëm i Bjellorusisë
Periskopi(4 vite më parë)
(4 vite më parë)Ministri i Jashtëm i Bjellorusisë, Vladimir Makei, i cili mbante postin e tij që nga viti 2012, ka vdekur në moshën 64-vjeçare, njoftoi agjencia shtetërore e lajmeve Belta. Ai këtë javë mori pjesë në një konferencë të Organizatës së Traktatit të Sigurisë Kolektive (CSTO) – një aleancë ushtarake e disa shteteve post-sovjetike – në Jerevan […]
Ministri i Jashtëm i Bjellorusisë, Vladimir Makei, i cili mbante postin e tij që nga viti 2012, ka vdekur në moshën 64-vjeçare, njoftoi agjencia shtetërore e lajmeve Belta.
Ai këtë javë mori pjesë në një konferencë të Organizatës së Traktatit të Sigurisë Kolektive (CSTO) – një aleancë ushtarake e disa shteteve post-sovjetike – në Jerevan dhe do të takohej të hënën me homologun rus Sergej Lavrov.
Para zgjedhjeve presidenciale dhe protestave masive antiqeveritare në Bjellorusi në vitin 2020, Makei kishte qenë një nga nismëtarët e përpjekjeve për të përmirësuar marrëdhëniet e Bjellorusisë me Perëndimin dhe kishte kritikuar Rusinë.
Por ai ndryshoi befas qëndrimin e tij kur nisën protestat, duke thënë se ato ishin frymëzuar nga agjentë të Perëndimit.
“Jemi të tronditur nga raportet për vdekjen e kreut të Ministrisë së Punëve të Jashtme të Republikës së Bjellorusisë, Vladimir Makei”, postoi zëdhënësja e Ministrisë së Jashtme ruse Maria Zakharova në kanalin e saj Telegram.
Bjellorusia është një nga aleatët më të vendosur të Rusisë, veçanërisht qëkur filloi lufta në Ukrainë më 24 shkurt.
