“Tërheqja nga Khersoni është poshtërim i madh për Putinin”

“Khersoni ishte qyteti i parë i kapur. Ai kishte njoftuar me krenari të madhe që provinca Kherson do të ishte e radhës- dhe kjo është një humbje e madhe”.

“Kjo do të thotë që rusët janë në anën e zbrapsjes dhe se ukrainasit kanë siguruar vijën bregdetare të Detit të Zi. Kjo është një humbje e madhe për ushtrinë ruse”, tha ai, për të shtuar se kjo pritet të ketë një ndikim të jashtëzakonshëm në moralin e tyre.

“Ne pamë që morali rus ra në veri në rajonin Kharkiv pas ofenzivës së Ukrainës në shtator dhe në tetorin e hershëm”, tha ai, përcjell Periskopi.

“Çdo formë e tërheqjes do ta godasë fuqishëm moralin rus. Siç është vërtetuar, ne kemi parë që morali rus është goditur me mobilizimin e madh të rekrutëve të patrajnuar. Prandaj kjo nuk do ta ndihmojë aspak kauzën ruse. E gjitha kjo do të jetë ndihmesë për Ukrainën”.

Sir Richard shtoi se Putin është duke tentuar “të mbajë sa më shumë që mundet territore të Ukrainës “ duke hapur mundësinë e negociatave.

Megjithatë, ai insistoi se “ne nuk duhet ta shtyjmë” Volodymyr Zelenskyn drejt negociatave. /Periskopi/