4 orë më parëSheholli: Vuçiqi sot dallon si nata me ditë me Vuçiqin si ministër i Millosheviqit
Periskopi(4 vite më parë)
(4 vite më parë)Fatmir Sheholli nga Instituti për Avancimin e Marrëdhënieve Ndëretnike, thotë se kryeministri Kurti është fajtori kryesor i gjendjes së krijuar në Kosovë. Sipas z. Shehollit, kreu i ekzekutivit ia ka dhënë letrat në dorë Vuçiqit që ai të paraqitet si paqësor para ndërkombëtarëve. “Shumica e shqiptarëve thonë “ky ministër i Millosheviqit”, është e vërtetë që […]
Sipas z. Shehollit, kreu i ekzekutivit ia ka dhënë letrat në dorë Vuçiqit që ai të paraqitet si paqësor para ndërkombëtarëve.
“Shumica e shqiptarëve thonë “ky ministër i Millosheviqit”, është e vërtetë që ka qenë ministër i tij, por është edhe e vërtetë që është President i Serbisë dhe i votuar shumë nga populli i vetë. Tash, ne nuk kemi tjetër rrugëdalje përveç që me bisedu me të. Në bazë të deklaratave të z. Borrellit, por jo vetëm të tij, edhe të sekretarit të përgjithshëm të NATO-së edhe të SHBA-së, disi po më duket që kryeministri Kurti ia ka dhënë letrat në dorë Vuçiqit që ai të paraqitet si paqësor“, tha Sheholli në intervistën e Periskopit që transmetohet në T7.
Sheholli shtoi se deklarata e z. Borrell i cili thotë se “është i zhgënjyer me Kosovën” është shumë e rëndë.
Tutje ai deklaroi se presidenti serb dallon shumë me atë që dikur ishte ministër i Millosheviqit.
“Vuçiq doli mbrëmë vonë në takim me Listën Serbe iu tha “ju lus për paqe, të jeni të kujdesshëm”, me i dëgju këto fjalë nga Vuçiqi, në krahasim me atë Vuçiqin e asaj kohës kur ka qenë ministër i Millosheviqit është si nata me ditë“.
“Pra, ne ia kemi dhënë mundësinë që në botën perëdimore ai të marrë terren”.
“Unë mendoj se z. Kurti është fajtori kryesor i kësaj gjendje të habitur”, tha Sheholli. /Periskopi/
