‘Rrezik Serbia’, Kurti i thotë fjalët e famshme edhe në Paris: Jemi vigjilentë, por asnjëherë të frikësuar

‘’Serbia ende ju jep lavdi kriminelëve të luftës. Është regjim që udhëhiqet nga kisha, e dominohet nga Rusia e Putinit.’’

‘’Ajo që nuk ofrojmë ëshë koncensione për të ndarë vendin tonë në vija etnike e të tjera. 5 shtetet anëtare nuk kanë nevojë të presin, mund ta ndihmojnë Serbinë ta na ndihmojë më shpejt, nëse ata na pranojnë.’’

Tutje ai ka shtuar se  ekziston rreziku nga Serbia, duke përsëritur fjalët e famshme, të thëna tashmë në fillimjavë, si ‘’jemi vigjilentë, por asnjëherë të frikësuar’’.

‘’Një ndikim tjetër është se Serbia nuk është në linjë me SHBA e BE me qëndrimet e veta ndaj Rusisë. Rreth kufijve të Kosovës, në zona të sigurisë të terrenit që është 5 km si vijë, që prej ndërhyrjes së NATO’s, ekzistojnë 48 baza të veprimit në pararol me qindra mijëra ushtarë, 28 prej të cilave janë xhandarmëri ndërsa 20 të tjera ushtarake.  Jemi shumë vigjilentë por asnjëherë të frikësuar. Kosova nuk është në NATO por e kemi atë brenda saj. Është rrezik mjaft i madh për vendin tonë.’’, ka thënë Kurti.

‘’Raportet me Serbinë nuk janë normale, duhet t’i normalizojmë. Ky normalizim nënkupton marrëveshje përfundimtare, ligjërisht obligative. Sigurisht që mund të ketë edhe pika të tjera në atë marrëveshje, njohja e ndërsjellë, pika kryesore. Me mua si kryeministër, dialogu është parimor, simetrik, i barabartë. Serbia duhet të distancohet nga e kaluara e Millosheviqit dhe e tashmja e Putinit.’’/PERISKOPI/