6 orë më parëPërparim Rama ndan gjysmë milionë euro për t’i ndihmuar punëtorët e vet me pako ushqimore
Periskopi(4 vite më parë)
(4 vite më parë)Që t’u jap para shtesë nuk ia lejon Ligji, por kryetari i Prishtinës, Përparim Rama ka zgjedhur një metodë tjetër si të ndihmojë punëtorët e komunës në këtë kohë të inflacionit shumë të lartë, shkruan Periskopi. Rama ka marrë vendim që 450 mijë euro të buxhetit komunal të alokohen për blerjen e pakove ushqimore për […]
Rama ka marrë vendim që 450 mijë euro të buxhetit komunal të alokohen për blerjen e pakove ushqimore për zyrtarët komunal. E gjithë kjo është bërë për t’u dalë në ndihmë punëtorëve komunal për shkak të rritjes enorme të çmimeve.
Pos administratës, pako ushqimore do të përfitojnë edhe stafi politik e asamblistët.
“Furnizim me pako ushqimore bëhet për shkak të rritjes se çmimeve dhe inflaionit. Lejohet mjetet financiare në vlerë prej 450, 000.00 euro, të cilat do të dërgohen nga kodi buxhetor “mallra dhe shërbime” nga Drejtoria e Mirëqenies Sociale. Pjesë përbërëse e këtij vendimi është lista me zyrtarët e administratës së Komunës së Prishtinës, të emëruarit politik dhe asamblistët do të jenë pjesë përfituese e kësaj pakoje”, thuhet në vendimin që Rama e ka marrë para pak ditëve.
Komuna Prishtinës ka rreth 600 shërbyes civil dhe bazuar në mjetet e ndara, një pako pritet të jetë në vlerë prej rreth 750 euro. Paratë për këtë ndihmë u morën nga Drejtoria e Mirëqenies Sociale dhe hynë në kategorinë e mallrave dhe shërbimeve. /PERISKOPI/
