8 orë më parëPengoi propozimin për viza, MPJ e Spanjës për Periskopin: Nuk komentojmë negociatat
Periskopi(4 vite më parë)
(4 vite më parë)Të mërkurën e kësaj jave skadoi afati për vendet e BE-së që me të ashtuquajturën procedurë të heshtur, t’i paraqesin vërejtjet e tyre në propozimin e Çekisë për liberalizimin e vizave për Kosovën. U raportua se pengesa po qet Spanja e Sllovakia, po ashtu dy vende mosnjohëse të shtetit tonë. Periskopi ka kontaktur ministrinë e […]
Sipas raportimeve të REL, Spanja ishte ajo që paraqiti vërejtje, ndërsa disa shtete tjera kërkuan më shumë sqarime rreth propozimit çek, të cilët udhëheqin Presidencës e Bashkimit Evropian.
Lidhur me këtë zhvillim, Periskopi ka dërguar disa pyetje në adresë të diplomacisë spanjolle, se për çfarë vërejtjesh bëhet fjalë, kur do të mund të kemi një dritë të gjelbër nga Spanja për vizat dhe a do të kemi njohje të Kosovës në një periudhë të afërt.
Elena Aljarilla, nga zyra për Informim në Ministrinë e Punëve të Jashtme të Spanjës thekosi për Periskopin vetëm se‘’ Mund të themi se nuk komentojmë negociatat në vazhdim’’.
Propozimi i Çekisë, ishte që hyrja në fuqi e liberalizimit të vizave për Kosovën të lidhej me funksionalizimin e sistemit të udhëtimit ETIAS, siç kërkoi Franca, por njëherësh të caktohej edhe data e fuqizimit të vendimit: “jo më vonë se 1 dhjetori i vitit 2023”.
Ndërsa një vend që ka ndryshuar qëndrim për vizat e Kosovës është Holanda, që më herët ishte gogja skeptike.
Ministria e Punëve të Jashtme e këtij vendit, ka thënë se në Kosovë kanë parë progres në luftën kundër korrupsionit, teksa e kanë përgëzuar Qeverinë Kurti për progresin në fushën e reformave.
“Holanda tani mund të bie dakord për liberalizimin e vizave pasi përditësimi i Komisionit dhe raporti i progresit tregojnë një trend pozitiv”.
“Kemi parë kryesisht progresin në luftën kundër korrupsionit dhe krimit të organizuar, migrimin dhe menaxhimin e kufijve dhe luftën kundër terrorizmit. Ne përgëzojmë progresin e bërë në agjendën e reformave nga qeveria Kurti”, thuhet në përgjigjen e MPJ-së së Holandës për Klankosova.
Tutje, në përgjigje thuhet se ky progres i Kosovës duhet të vazhdojë dhe se qeveria holandeze do të monitorojë progresin në këtë drejtim.
“Është shumë e rëndësishme që Kosova të harmonizojë më tej politikën e saj të vizave me politikën e vizave të BE-së”, është shprehur ministria e Punëve të Jashtme të Holandë’’./Kaltërina Misini – PERISKOPI/
