4 orë më parëOKB: Edhe Ukraina ka kryer krime lufte
Periskopi(4 vite më parë)
(4 vite më parë)Si Rusia dhe Ukraina, të dyja kanë kryer krime lufte, duke torturuar të burgosurit përgjatë 9 muajve të konfliktit. Konfirmimi vjen nga zyra për të drejtat e njeriut në Kombet e Bashkuara, e cila ka evidentuar përdorimin e shokut elektrik dhe Raporti është bazuar nga monitorimet e ekipit të Kombeve të Bashkuar, i cili ka […]
Raporti është bazuar nga monitorimet e ekipit të Kombeve të Bashkuar, i cili ka intervistuar më shumë se 100 të burgosur lufte në secilën anë të konfliktit që nga prilli.
Kryetarja e ekipit të monitorimit të misionit Matilda Bogner, deklaroi në një konferencë në Gjenevë se pjesa më e madhe e të burgosurve ukrainas që ata intervistuan, të mbajtur nga forcat ruse, raportuan tortura dhe keqtrajtime. Ajo dha shembuj të sulmeve të qenve, ekzekutime, goditje elektrike dhe dhunë seksuale.
“Ne gjithashtu dokumentuam raste të keqtrajtimit të robërve rusë të luftës në rajonin e Dnipropetrovska dhe në disa objekte paragjyqësore, duke përfshirë të ashtuquajturat ‘rrahje mikpritëse’. Ne morëm pretendime për internim të zgjatur në vende joformale të paraburgimit, si bodrumet e rojeve apo shtabet ushtarake”, raportoi ajo.
E pyetur për shkallën e abuzimeve në të dy kampet e luftës, ajo tha se keqtrajtimi i të burgosurve ukrainas nga rusët ishte sistematik, kurse jo sistematik për ushtarët rusë nga ukrainasit.
Intervistat me të arrestuarit ukrainas u kryen pas lirimit të tyre, pasi Rusia nuk u dha hetuesve akses në vendet e paraburgimit, ndërsa Ukraina u dha akses konfidencial për të burgosurit e luftës në vendet e internimit, ku folën me ta.
