3 orë më parëMASHTI ua shkëputi kontratën kolektive, SBASHK: I njëanshëm dhe i paligjshëm
Periskopi(4 vite më parë)
(4 vite më parë)Ministria e Arsimit, Shkencës, Teknologjisë dhe Inovacionit ka ndërprerë kontratën kolektive me SBASHK-un, e cila ishte nënshkruar më 22 janar të vitit 2021. Në letrën e MASHTI-t dërguar SBASHK-ut thuhet se kontrata kolektive është shkëputur njëanshëm “bazuar në kornizën ligjore në fuqi në Republikën e Kosovës, e për shkak të mungesës së bazës ligjore, shpërputhjes […]
Në letrën e MASHTI-t dërguar SBASHK-ut thuhet se kontrata kolektive është shkëputur njëanshëm “bazuar në kornizën ligjore në fuqi në Republikën e Kosovës, e për shkak të mungesës së bazës ligjore, shpërputhjes me dispozitat e rendit publik dhe mungesës së legjitimitetit të palës nënshkruese”.
Lidhur me këtë çështje, Gazeta Express ka kontaktuar me Vjollca Shalën nënkryetare e SBASHK-ut.
Ajo tha se nëse ky veprim i MASHTI-it është i njëanshëm atëherë është i paligjshëm.
“Nuk kemi qenë të informuar për shkëputjen e kontratës kolektive. Nëse është shkëputur njëanshëm kontrata kolektive vetëm nga ana e MASHTI-t, atëherë ajo është e paligjshme ngase në kontratën kolektive shpjegohet procedura për shkëputje të kontratës. Kjo nuk i kontribuon aspak dialogut social në mes të SBASHK-ut dhe MASHTI-t”, tha ajo.
Shala njoftoi se për këtë çështje SBASHK-u do të mblidhet nesër dhe do të shohin “ecurinë e mëtutjeshme”.
