3 orë më parëKrasniqi: Plani franko-gjerman vështirë të pranohet nga Kosova
Periskopi(4 vite më parë)
(4 vite më parë)Kryetari i Partisë Demokratike të Kosovës, Memli Krasniqi, vlerëson se kërkesat e dhe propozimet që i ka dhënë ai dhe partia e tij për dialogun me Serbinë, janë pranuar dhe po bëhen pjesë e qasjes së re. Madje, Krasniqi thotë se qysh në fillim kanë rekomanduar që të afatizohet dialogu dhe mos të diskutohet për […]
Madje, Krasniqi thotë se qysh në fillim kanë rekomanduar që të afatizohet dialogu dhe mos të diskutohet për çështje teknike.
Megjithatë, Krasniqi theksoi se me një përkushtim nga ana e Qeverisë dhe kryeministrit për të quar tutje procesin e dialogut dhe për të punuar në drejtim të arritjes së aspiratave shtetërore një gjë e tillë është e mundshme.
“Mua më vjen mirë që kërkesat dhe propozimet që i kemi dhënë si PDK dhe unë personalisht në të gjitha takimet qoftë me zotëri Eskobar qoftë edhe me Lajçak tashmë janë duke u pranuar dhe po bëhen pjesë e qasjes së re. Ne kemi thënë qysh herët që të ketë afatizim sa i përket procesit të dialogut. Kemi kërkuar që të mosdiskutohen ndaras temat teknike”.
“Edhe në takimet që kam pasur në Uashington e Bruksel që është duke u pranuar kjo qasje pa çka se është me vonesë sepse kemi mundur që një qasje të tillë ta kemi qysh vitin e kaluar. Megjithatë pa dashur që të komentoj afatet unë jam i sigurt se sikur të ketë një përkushtim një fokus nga ana e Qeverisë dhe kryeministrit për të quar tutje procesin e dialogut dhe për të punuar në drejtim të arritjes së aspiratave shtetërore konsideroj që një gjë e tillë është e mundshme”, ka thënë Krasniqi në një intervistë për Ekonomia Online.
E sa i përket planit franko-gjerman, Krasniqi tha se ky plan është vështirë të pranohet nga Kosova.
Sipas tij, pa u arritur njohja e Kosovës nga pesë vendet e BE-së, anëtarësimit në NATO, dhe marrja e statusit kandidat është e pamundur të shkohet drejt marrëveshje finale që ka në qendër njohjen reciproke.
“Plani i ashtuquajtur franko-gjerman në versionin aktual është vështirë të pranohet nga Kosova, por unë jam i bindur që duhet të diskutohet për këtë dhe e kam inkurajuar kryeministrin për të shkuar në drejtim të arritjes së pesë shtyllave kryesore që janë të domosdoshme për arritjen e marrëveshjes si, ruajtja e karakterit unitar të shtetit të Kosovës”.
“…njohja e Kosovës nga pesë shtet anëtare të BE-së që nuk na kanë njohur, fillimi i procesit të anëtarësimit në NATO, marrja e statusit të shtetit kandidat për anëtarësim në BE dhe njohja e ndërsjellë ndërmjet Kosovës dhe Serbisë. Pa i arritur këto nuk do të kemi marrëveshje finale”, tha Krasniqi.
