6 orë më parë“Kjo kastë politike s’e donte Administratën Trump, s’e ka për qejfi as administratën e Bidenit, tash as BE-ja s’u pëlqeka”
Periskopi(4 vite më parë)
(4 vite më parë)Anëtari i Lidhjes Demokratike të Kosovës (LDK), Muhamet Hamiti ka reaguar pasi nuk u arrit asnjë marrëveshje sot në Bruksel mes Albin Kurtit dhe Aleksandar Vucic, takim i cili ishte thirrur nga Bashkimi Europian me urgjencë, por që nuk prodhoi asnjë rezultat. Ai ka kujtuar kohën kur ekzekutivi kosovar nuk dëshironte që dialogu me Serbinë […]
Ai ka kujtuar kohën kur ekzekutivi kosovar nuk dëshironte që dialogu me Serbinë të ndërmjetësohej nga ShBA.
”Kjo kastë politike e Kosovës, tash në pushtet, s’e donte Administratën amerikane në kohën e Trumpit. Tash kjo s’e ka për qejfi as administratën e Bidenit. Dukej se parapëlqente rol vendimtar të BE-së në punët e dialogut të Kosovës me Serbinë. Tash as BE-ja s’u pëlqeka,” ka shkruar ai.
Ish-ambasadori i Kosovës në Mbretërinë e Bashkuar i ka rekomanduar Qeverisë që të punojë me aleatët ndërkombëtarë. Megjithatë, ka theksuar se tani ”kanë rënë në grackën e Serbisë, që, edhe ashtu, do ta zvarrisë dialogun”
”Qeveria e Kosovës nën drejtimin e kryeministrit Kurti e ka degraduar dialogun. E ka kthyer në dialog për çështje teknike. Madje të targave. Pa e ditur, ka rënë në grackën e Serbisë, që, edhe ashtu, do ta zvarrisë dialogun”, shkruan ai.
Shefi i diplomacisë europiane, Josep Borell pas takimeve që zhvilloi sot me Kurtin dhe Vucic tha se ua ka bërë palëve një propozim për ta shmangur përshkallëzimin e situatës në veri të Kosovës, por sipas tij, këtë propozim e ka refuzuar kryeministri i Kosovës. /Periskopi/
