8 orë më parëKërkesa e VV-së për zgjedhjet në veri, KQZ për Periskopin: Jemi duke e trajtuar si çështje
Periskopi(4 vite më parë)
(4 vite më parë)Lëvizja Vetëvendosje ka kërkuar që të mbahet një mbledhje e jashtëzakonshme e Komisionit Qendror të Zgjedhjeve për të shtyrë afatin për regjistrim të partive politike në zgjedhjet e jashtëzakonshme për kryetar komune në veri të Kosovës. Lajmin për Periskopin e ka konfirmuar edhe zëdhënësi i KQZ-së, Valmir Elezi, ku ka bërë të ditur gjithashtu se […]
Lajmin për Periskopin e ka konfirmuar edhe zëdhënësi i KQZ-së, Valmir Elezi, ku ka bërë të ditur gjithashtu se është duke u trajtuar kjo kërkesë.
“Ju njoftoj se çështja e ndryshimit të disa afateve të aktiviteteve zgjedhore, në mesin e të cilave edhe afati për aplikim për certifikim të subjekteve politike dhe kandidatëve që duan të marrin pjesë në këto zgjedhje, është duke u trajtuar dhe do t’iu njoftojmë me kohë gjatë ditës”.
“Deri më tani (21 nëntor, 14:00) KQZ-ja ka pranuar një kërkesë për certifikim për pjesëmarrje në zgjedhjet e jashtëzakonshme për kryetar të komunës së Mitrovicës së Veriut. Subjekti politik Iniciativa Qytetare Mitrovica ka dorëzuar kërkesën për pjesëmarrje në zgjedhjet e jashtëzakonshme për kryetar të komunës së Mitrovicës së Veriut”, ka thënë Elezi për Periskopin.
Kujtojmë se afati për aplikim për certifikim të subjekteve politike dhe kandidatëve për pjesëmarrje në zgjedhje ka filluar më 15 nëntor.
