6 orë më parëKalojnë një orë nga marrëveshja në Bruksel, ende asnjë reagim nga Kurti
Periskopi(4 vite më parë)
(4 vite më parë)Fiks një orë më parë është arritur marrëveshja në Bruksel mes Kosovës dhe Serbisë për çështjen e targave, shkruan Periskopi. Lajmin e bëri të ditur Përfaqësuesi i Lartë i BE-së, Joseph Borrell, i cili falenderoi kryenegociatorët e dy vendeve që rënë dakord për masat, për të shmangur përshkallëzimin e mëtejshëm dhe për t’u përqendruar plotësisht […]
Lajmin e bëri të ditur Përfaqësuesi i Lartë i BE-së, Joseph Borrell, i cili falenderoi kryenegociatorët e dy vendeve që rënë dakord për masat, për të shmangur përshkallëzimin e mëtejshëm dhe për t’u përqendruar plotësisht në propozimin për normalizimin e marrëdhënieve mes tyre.
“Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve. Unë do t’i ftoj palët në ditët në vijim për të diskutuar hapat e ardhshëm. E falënderoj përfaqësuesin special Miroslav Lajçak palët për punën e palodhur”, shtoi tutje Borrell.
Reagimet pati nga Presidentja Osmani, zv.kryeministri Bislimi, Miroslav Lajçak e shumë të tjerë, por jo edhe nga kryeministri Kurti.
Kujtojmë se dje u keqësuan raportet e Kurtit me Borrellin pas takimit që patën në Bruksel me presidentin e Serbisë, Aleksandër Vuçiq, ku të njëjtit nuk arritën asnjë rezultat pozitiv.
Borrelli akuzoi Kurtin për mospranimin e marrëveshjes, në anën tjetër Kurti kritikonte Borrellon për “ndryshim të marrëveshjes”. /Periskopi/
