8 orë më parëInteligjenca amerikane: Rusia vonoi shpalljen e tërheqjes nga Khersoni për t’ia minuar fitoren Bidenit
Periskopi(4 vite më parë)
(4 vite më parë)Inteligjenca amerikane thotë se Rusia mund të ketë vonuar shpalljen e tërheqjes së trupave të saj nga qyteti ukrainas Kherson, për të shmangur dhënien e një fitoreje politike administratës Biden përpara zgjedhjeve afatmesme. Zyrtarë të lartë rusë kanë diskutuar për efektin mbi zgjedhjeve afatmesme të SHBA-së si një faktor rreth njoftimit të tërheqjes, tha një […]
Zyrtarë të lartë rusë kanë diskutuar për efektin mbi zgjedhjeve afatmesme të SHBA-së si një faktor rreth njoftimit të tërheqjes, tha një person i njohur me inteligjencën.
Pritja deri pas zgjedhjeve në SHBA ishte gjithmonë një “kusht i planifikuar paraprakisht” i tërheqjes së Rusisë nga Kherson, tha CNN një person i dytë i njohur me inteligjencën.
Analistët ushtarakë thonë se Rusia kishte pak opsione të tjera operacionale dhe ishte përgatitur të tërhiqej prej javësh, duke i shtyrë zyrtarët amerikanë të pyesin se kur rusët do ta pranonin zyrtarisht tërheqjen.
Sipas këtyre burimeve, kjo është një shenjë se Rusia ka një interes të vazhdueshëm për të ndikuar në peizazhin politik të SHBA-së – megjithëse burimet shtojnë se Rusia ndoshta e ka llogaritur gabimisht ndikimin që një njoftim i tillë do të kishte në të vërtetë në zgjedhje.
“Unë dyshoj se amerikanët do ta kishin vënë re me të vërtetë”, tha një burim tjetër i njohur me inteligjencën perëndimore.
Edhe presidenti amerikan Joe Biden javën e kaluar dukej se la të kuptohej se beson që koha e njoftimit të Rusisë ishte më shumë se thjesht rastësi.
