3 orë më parëGrabitja e armatosur në Gjilan, arrestohet një i dyshuar
Periskopi(4 vite më parë)
(4 vite më parë)Për grabitjen nën kërcënimin e armës në një market në Gjilan është arrestuar i dyshuari me inicialet S.I., i lindur në vitin 1982. Policia njofton se arrestimi i të dyshuarit nga ana e policisë është bërë në momentin kur i dyshuari ka tentuar që të kryej një grabitje në një lokal afarist tregtar këtu në […]
Policia njofton se arrestimi i të dyshuarit nga ana e policisë është bërë në momentin kur i dyshuari ka tentuar që të kryej një grabitje në një lokal afarist tregtar këtu në qytetin e Gjilanit.
“I njëjti nën kërcënim të armës fillimisht kishte arritur që nga arka e shitjes punëtorit të marketit të ja grabiste një sasi të konsiderueshme të hollash, por punëtorët tjerë prezent kanë ndërhy dhe kanë arrit që ta ndalin të dyshuarin, gjersa shumë shpejtë njësitet të shumta patrulluese policore kanë arrit në vende të ngjarjes dhe e kanë arrestuar të dyshuarin”, thuhet në njoftim.
Nëvendin e ngjarjes është konfiskuar një armë e zjarrit ( revole ) e modelit ,,Broëing Belgium’’me katër copë fishek.
“I dyshuari është intervistuar në bazë të procedurave ligjore në prani të avokatit mbrojtës. Gjatë hetimeve në vijim janë gjetë prova të qëndrueshme se ky i dyshuar besohet se është i involvuar edhe në një rast tjetër “Grabitje “që ka ndodhë me 16.11.2022 në një pikë karburanti në rrethinën e qytetit të Gjilanit”, thuhet në njoftim.
Për rastin është njoftuar prokurori i shtetit i cili ka urdhëruar që ndaj të dyshuarit të caktohet masa e ndalimit për 48 orë, gjersa hetimet rreth rasteve të cekura më lartë po kryhen nga Policia e Kosovës, njësiti i hetimeve rajonale në Gjilan.
