8 orë më parëGeci: Në daljen publike të UÇK-së, Rexhep Selimi e shkroi deklaratën
Periskopi(4 vite më parë)
(4 vite më parë)Duke folur në emisionin Pressing, bashkëluftëtari i Adem Jasharit, Xhevahir Geci ka dhënë detaje për orët e para të luftës së UÇK-së. Ai ka folur kujton daljen e parë në skenë të Ushtrisë Çlirimtare të Kosovës, më 28 nëntor të vitit 1997, në fshatin Llaushë të Skenderajt. Geci ka dhënë detaje edhe për Daut Haradinajn, […]
Ai ka folur kujton daljen e parë në skenë të Ushtrisë Çlirimtare të Kosovës, më 28 nëntor të vitit 1997, në fshatin Llaushë të Skenderajt.
Geci ka dhënë detaje edhe për Daut Haradinajn, i cili si luftëtar nga Dukagjini, ishte një ndër tre ushtarët e UÇK-së që e bënë publike ushtrinë çlirimtare.
Ai ka thënë se Haradinaj ishte i gatshëm të ndihmojë me grupin e tij nga Dukagjini, saherë që ishte e nevojshme në Drencië.
“Pjesë e këtij organizimi kemi qenë, duke u nis komandanti Adem Jashari në shtëpinë e Sabit Gecit, Sylejman Selimi, Jetullah Geci, Sabit Geci, Abedin Rexha, unë, Sejdi Geci dhe disa të tjerë. Masandej ka ardhur edhe Daut Haradinaj, të cilit iu ka dhënë e drejta, të cilin e kemi respektu si pjesë e UÇK-së nga ana e Dukagjinit, të cilin sa herë kemi pasur nevoje vështirësi në Drenicë, gjithëherë është përgjigur pozitivisht nga grupi i Dukagjinit”, ka thënë ai.
Gjithashtu, Geci ka thënë se tekstin e dekalratës e kishte shkruar Rexhep Selimi dhe vetë e kishte lexuar.
“Është bërë një organizim i mirëfillitë. Tekstin e ka shkruar Rexhep Selimi. Ka qenë edhe Muja si figurë, që lehtë është kamufluar. Dauti ka qenë një djalë i ri, që nuk e ka njoftë dikush tjetër, përveç neve, grupit të UÇK-së”, ka deklaruar ai.
Në Pressing, Geci ka thënë se ka qenë vendim i Adem Jasharit dhe luftëtarëve të tjerë që UÇK t’i thotë ndal publikisht krimeve serbe mbi popullatën.
“Ka qenë një organizim edhe i komandantit Adem Jashari, por ka qenë vendim i yni i përbashkët që këta djem të dalin dhe të dalin t’i thonë stop dhunës, apartheidit, stop vrasjeve. Përmes deklarate kemi dashur t’i marrim të gjitha aksionet përsipër”, ka deklaruar ai.
