8 orë më parëAlb-Architect dizajnon renovimin e Spitalit të Infektivës në Tiranë
Periskopi(4 vite më parë)
(4 vite më parë)Punimet për renovimin e Spitalit Infektiv në Qendrën Spitalore Universitare “Nënë Tereza” në Tiranë tashmë kanë përfunduar. Projekti nga Alb-Architect & A.C.T.I Studio ka sjellë një spital me standarde të larta për t’i ofruar pacientëve shërbime cilësore. Ndërhyrjet në enterier dhe eksterier të ndërtesës e cila daton nga viti 1966, kanë sjellë një rezultat mbresëlënës […]
Punimet për renovimin e Spitalit Infektiv në Qendrën Spitalore Universitare “Nënë Tereza” në Tiranë tashmë kanë përfunduar. Projekti nga Alb-Architect & A.C.T.I Studio ka sjellë një spital me standarde të larta për t’i ofruar pacientëve shërbime cilësore.
Ndërhyrjet në enterier dhe eksterier të ndërtesës e cila daton nga viti 1966, kanë sjellë një rezultat mbresëlënës në funksion dhe pamje duke e ruajtur integritetin e strukturës. Dizajni i fasadës ka krijuar një ambient tejet atraktiv dhe tërheqës, i cili luan rol të rëndësishëm në imazhin e Qendrës Spitalore.
Me rehabilitimin dhe riorganizmin e hapësirave të brendshme, përveç nivelit estetik, është arritur nivel i shkëlqyer funksional dhe komunikim i lehtë i reparteve mjekësore.
Lidhjet vertikale dhe horizontale të propozuara në dizajn kanë ruajtur konceptin mjekësor dhe evitimin e përhapjes së infkesioneve duke e ndarë në rrugë të duhura qarkullimin e stafit, pacientëve, vizitorëve, studentëve dhe shërbimeve brenda spitalit.
Alb-Architect & A.C.T.I Studio tani po ndjekin Testimin dhe Komisionimin e sistemeve të instaluara në spital, të cilat sisteme kanë sjellë një teknologji të lartë dhe mundësojnë funksionimin e plotë të spitalit si një strukturë moderne.
