2 orë më parë1 muaj arrest shtëpiak për Kryeziun e ‘Shell Kosova’ që rrahu gruan
Periskopi(4 vite më parë)
(4 vite më parë)Gjykata Themelore në Prishtinë, ka vendosur për caktimin e masës së paraburgimit kundër pronarit të pompës së derivateve ‘Shell Kosova’, Lulzim Kryeziu, për shkak të dyshimit se ka kryer veprën penale “Dhunë në familje”. Rasti është denoncuar nga bashkëshortja e Kryeziut, e cila pas arrestimit të tij raportohet se ka shkuar tek shtëpia e familjes së […]
Lulzim Kryeziu, sot ka dalur para gjykatës si i dyshuar për kryerjen e veprës penale ‘Dhunë në familje’. Këtë e ka konfirmuar p zëdhënsja e Gjykatës Themelore në Prishtinë, Mirlinda Gashi.
Sipas njoftimit për media, gjyqtari i procedurës paraprake kërkesën e Prokurorisë për caktimin e masës së paraburgimit kundër të pandehurit L.K e ka refuzuar dhe të njëjtit i ka caktuar masën e arrestit shtëpiak në kohëzgjatje prej një muaji.
“Departamenti i Përgjithshëm – Divizioni Penal ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit L.K për shkak të dyshimit të bazuar se ka kryer veprën penale Dhunë në familje nga neni 248 paragrafi 3 nënparagrafi 3.2 të Kodit Penal të Republikës së Kosovës. Gjyqtari i procedurës paraprake kërkesën e Prokurorisë për caktimin e masës së paraburgimit kundër të pandehurit L.K e ka refuzuar dhe të njëjtit i ka caktuar masën e arrestit shtëpiak në kohëzgjatje prej një (1) muaji”, thuhet në njoftim.
Prokuroria Themelore në Prishtinë kishte parashtruar kërkesë për caktimin e masës së paraburgimit.
Ky nuk është rasti i vetëm që Lulzim Kryeziu përballet më drejtësinë për ushtrim të dhunës. Para disa muajsh ndaj Kryeziut është ngritur akuzë për sulm fizik ndaj një gazetari, i cili po hulumtonte lidhur me licencat e kompanisë “Shell” që Kryeziu bartë të drejtat e kësaj kompanie për Kosovë.
