19 minuta më parëAAK reagon ndaj videos së VV-së: Haradinaj i vendosi tarifën 100% Serbisë, ju e kthyet në kampione të tregut kosovar
Periskopi(4 vite më parë)
(4 vite më parë)Pas deklaratës së Lëvizjes Vetëvendosje se për 20 vjet në Kosovë kanë qeverisur “shkatërruesit e shtetit”, ka reaguar edhe Aleanca për Ardhmërinë e Kosovës. Nga kjo parti opozitare kanë thënë se VV po shpërndan gënjeshtra apo gjysmë të vërteta, dhe të vërteta të shtrembëruara, në mënyrë që të diskreditojnë kundërshtarin. Zëdhënësi i kësaj partie, Lulëzim […]
Nga kjo parti opozitare kanë thënë se VV po shpërndan gënjeshtra apo gjysmë të vërteta, dhe të vërteta të shtrembëruara, në mënyrë që të diskreditojnë kundërshtarin.
Zëdhënësi i kësaj partie, Lulëzim Blaka, ka theksuar se “prodhimi i fundit i agjitacionit dhe propagandës së VV-së, është shpërfaqje e metodave manipulative të tyre, metoda të përdorura gjatë tërë ekzistencës së tyre të fëlliqur në politikën kosovare”.
“Gënjeshtra e orkestruar (shumë njerëz të ndryshëm, dalin me fjali të njëjta, në kohë të njëjtë). Përhapja e dezinformatave të tmerrshme për kundërshtarët (përhapje konstante, derisa dezinformata të shndërrohet në të vërtetë)”, është shprehur ai.
Sipas tij, falë metodave “manipuluese”, të VV-së, ka njerëz në Kosovë që mendojnë se ish-kryeministri i Kosovës, Ramush Haradinaj ka “zbrazur rezervat shtetërore”, dhe se e ka “shitur Çakorrin e Zhlebin”.
“Në fakt Qeveria nuk ka qasje në rezerva shtetërore por as demarkimi nuk është temë e mbyllur. Mbjellja e gënjeshtrës në mënyrë të orkestruar, derisa ajo të bëhet ‘e vërtetë’ në mendjen e masave”, ka thënë ai.
Ai ka potencuar se ndonëse Haradinaj ka qenë i pari i ekzekutivit vetëm për dy vjet dhe jo 20 vjet, i njëjti për 8 vjet radhazi, ka mbrojtur Luftën Çlirimtare në Gjykatën e Hagës.
Ai nuk gëzoi benificione siç pretendojnë VV-ja, por ishte në ballë të protestave opozitare, për tema të interesit nacional”.
Madje siç thotë zyrtari i AAK-së, teksa Haradinaj ia ka vendosur tarifën 100 për qind Serbisë, të njëjtën ia hoqi VV-ja duke e shndërruar kështu Serbinë “kampione në tregun kosovar, dhe realizoi vetëm pesë për qind të buxhetit të paraparë për Ushtrinë”.
Teksa ka kritikuar qeverinë aktuale për keqmenaxhim, të njëjtën e quajti si të dështuar.
“Sot në fuqi e kemi qeverinë më të dështuar deri sot në Kosovë, qeveri e cila nuk ka realizuar as 5% të planit të punës e as 3% të investimeve kapitale. Kemi në pushtet, qeverinë e gënjeshtrës dhe mashtrimit, qeverisë së degradimit ekonomik, qeverinë e krizës energjetike dhe ngritjes enorme të çmimeve”.
“Kemi në pushtet qeverinë që punësoi familjarët, kapi bordet, korrupsionit i dha model e formë të re, e që Kosovën po provon ta kthejë në sistem njëpartiak, pasi që ka nën kontroll të plotë edhe Presidencën, e ka tendenca për kontroll të gjyqësorit dhe mediave”.
