2 orë më parëVuçiqi: Nuk ekziston marrëveshje për targat RKS
Periskopi(5 vite më parë)
(5 vite më parë)Presidenti i Serbisë, Aleksandër Vuçiq ka mohuar se vendimi i Qeverisë së Kosovës për targat është i bazuar në marrëveshjen e viteve 2011 e 2016 për lëvizje të lirë. Duke shtuar se vendimi që ka marrë Qeveria e Kosovës nuk thuhet e as nuk shkruhet askund. Vuçiq përmes një konference për media ka shtuar se kjo […]
Vuçiq përmes një konference për media ka shtuar se kjo marrëveshje është, siç ka thënë ai, vetëm në kokën e Albin Kurtit.
“Thanë se kanë marrë vendim bazuar në marrëveshjet e arritura më herët dhe në konsultim me të gjithë. Kjo marrëveshje është pos në kokën e Kurtit dhe se ndoshta është konsultuar me mentorët e tij”, ka thënë Vuçiqi. “Kjo nuk është e shkruar askund, as nuk do të jetë”.
Vuçiqi teksa ka folur për këto marrëveshje ka thënë se bëhet fjalë vetëm për targat KS, që me vendim të Qeverisë më nuk janë valide në Kosovë.
“Sot është një nga ditët më të vështira për njerëzit tanë në Kosovë. Nuk bëhet fjalë për dramatizim, situata është shumë e vështirë, e vështirë, dhe kur merresh me njerëz të papërgjegjshëm dhe qëllimi i tyre i vetëm është zgjerimi i pushtetit dhe fuqia, është e vështirë të arrihen zgjidhje racionale”, tha Vuçiq.
Vuçiq shtoi se “mbrëmë ata e dinin që Prishtina po planifikonte lëvizjet e forcave të saj speciale në veri”.
Kujtojmë se sot Qeveria e Kosovës ka marrë vendim që asnjë veturë me targa të Serbisë të mos lejohet të qarkullojë në Kosovë. Me rastin e futjes në Kosovë, pronarët e veturave duhet të vendosin targa të përkohshme të Kosovës, njëjtë siç obligohen të veprojnë qytetarët që kanë targa të Kosovës kur futen në territorin e Serbisë.
