6 orë më parëVdes në Moskë autori i njërit nga ‘non-paper’ për Kosovën
Periskopi(5 vite më parë)
(5 vite më parë)Ka vdekur në Moskë nga “sulmi në zemër”, gjermani Manuel Ochsenreiter i njohur si përfaqësues i ekstremit të djathtë dhe i lidhur me pushtetin në Kremlin. Ochsenreiter gjatë muajit maj kishte publikuar në revistën gjermane “Zuerst” një “no-paper” për Kosovën. Revista e cila ndjek politika ekstreme, në dokumentin që përmban 16 pika, parasheh kthimin e Kosovës nën Serbi […]
Ochsenreiter gjatë muajit maj kishte publikuar në revistën gjermane “Zuerst” një “no-paper” për Kosovën.
Revista e cila ndjek politika ekstreme, në dokumentin që përmban 16 pika, parasheh kthimin e Kosovës nën Serbi për 99 vite.
Kryeredaktori i “Zuerst”, Manuel Ochsenreiter si punonjës i Bundestagut në Partisë Alternativa për Gjermaninë (AfD), në vitin 2019 ishte akuzuar për urdhërimin e një sulmi zjarrvënie në Qendrën Kulturore hungareze në Uzhhorod si përpjekje për të diskredituar Qeverinë e Ukrainës.
Sipas autoriteteve, sulmi do t’i atribuohej neo-nazistëve ukrainas në mënyrë që të acaronte marrëdhëniet midis Hugnarisë dhe Ukrainës.
Një nga të akuzuarit, i quajtur vetëm si Michal P., i kishte thënë gjykatës se sulmi, në të cilin u përdorën koktej Molotovi, u urdhërua nga Ochsenreiter.
Michal është një anëtar i Kampit Kombëtar Radikal të Polonisë, një organizatë ultranacionaliste që mbështet separatistët pro-Rusisë në luftën e tyre në Ukrainën lindore.
Manuel Ochsenreiter dhe Dragana Trifkoviq gjatë një vizite në Kosovë
Në një foto të publikuar, Ochsenreiter është ulur pranë Mateusz Piskorski, një aktivist të cilin autoritetet polake e burgosën nën dyshimin e spiunimit për shërbimet sekrete ruse nga 2009 deri në 2016.
Mediat e kanë akuzuar atë se ka lidhje me shërbimet sekrete ruse. Ai kishte vizituar Kosovën së bashku me agjenten ruse të FSB-së, serben Dragana Trifkoviq.
I ndjeri ka qenë bashkëpunëtori televizionit propagandistik Russia Today (RT). /Telegrafi/
