6 orë më parëProtestat kundër mbylljes në Sydney, 235 të arrestuar dhe 10 policë të plagosur
Periskopi(5 vite më parë)
(5 vite më parë)Policia ka arrestuar 235 persona dhe 10 oficerë janë plagosur gjatë protestave të dhunshme kundër bllokimit në Melburn të shtunën. Prej tyre, 193 u arrestuan për shkelje të kufizimeve të COVID-19, ndërsa të tjerët u arrestuan për vepra të tjera, përfshirë dyshimet për sulm ndaj policisë, si dhe vepra penale të drogës dhe armëve. Qindra […]
Policia ka arrestuar 235 persona dhe 10 oficerë janë plagosur gjatë protestave të dhunshme kundër bllokimit në Melburn të shtunën. Prej tyre, 193 u arrestuan për shkelje të kufizimeve të COVID-19, ndërsa të tjerët u arrestuan për vepra të tjera, përfshirë dyshimet për sulm ndaj policisë, si dhe vepra penale të drogës dhe armëve. Qindra marshuan në qendër të rrugës duke brohoritur “jo më mbyllje” dhe mbanin pankarta me të njëjta thirrje.
Më shumë se 2000 policë ishin mbledhur në CBD të Melburn këtë mëngjes në përpjekje për të mbyllur protestat e planifikuara. Komandanti Mark Galliott, nga Policia e Victoria e përshkroi operacionin si të suksesshëm.
“Ne ishim në gjendje të mobilizonim të gjitha patrullat dhe burimet tona policore për t’u përballur me ato grupe dhe për të arrestuar ata që shkelnin udhëzimet e Shefit të Shëndetit,” tha komandanti Galliott.
Gjashtë nga 10 policët e plagosur u dërguan në spital. Oficerët pësuan një sërë lëndimesh duke përfshirë këputje të muskujve, bërryla të thyer, hundë të thyer, gisht të thyer dhe mavijosje, raporton 9news, transmeton Klankosova.tv.
“Ajo që pamë sot ishte një grup protestuesish që u mblodhën, jo për të protestuar për liritë, por thjesht për tu marrë dhe për të luftuar me policinë. E vetmja mënyrë për të fituar lirinë si shoqëri është të punojmë së bashku dhe të arrijmë ato norma vaksinimi.” tha komandanti Galliott.
Policia fillimisht vlerësoi se rreth 6000 – 7000 njerëz do të ndiqnin protestat kundër bllokimit në CBD, por vetëm rreth 500 – 700 protestues morën pjesë të shtunën.
Udhëtimi për dhe nga CBD i Melburnit me transport publik dhe makinë u ndalua për të parandaluar protestuesit kundër bllokimit të mblidheshin në CBD. Deri në orën 2 pasdite, asnjë tren, tramvaj dhe autobus nuk po lëviznin drejt Melburnit qendror.
