2 orë më parëPër tri vjet Serbia investoi 500 milionë dollarë në ushtri, njohësi i sigurisë thotë se po rrezikohet Kosova
Periskopi(5 vite më parë)
(5 vite më parë)Shteti serb për tri vjet radhazi ka investuar në modernizim të ushtrisë në vlerë prej 500 milionë dollarë. Njohësi i çështjeve të sigurisë, Drizan Shala, ka thënë se një investim i tillë tregon se Beogradi ka për qëllimin krijimin e “Serbisë së madhe”. Sipas Shalës një lëvizje si kjo e territorit e rrezikon edhe Kosovën. […]
Sipas Shalës një lëvizje si kjo e territorit e rrezikon edhe Kosovën.
“Serbia pavarësisht kohës së Covidit, pavarësisht rrethanave në të cilët po gjendet rajoni dhe bota në kohën e pandemisë, nuk e ka ndalur investimin e saj sa i përket modernizimit të komponentës ushtarake. Kjo po tregon që Serbia ka interes të saj, që ajo është duke u përgatitur për një gjë apo më mirë të themi se ka një projekt të saj që lidhet me “Serbinë e madhe””, tha Shala për EO.
“Serbia ka interesa që të përfitojë aq sa mundet nga Marrëveshja e Brukselit mes Kosovës dhe Serbisë, domethënë të ketë shkëputje të territorit të saj, të bëjë luftë dhe rezistencë në këtë drejtim. Ndërsa sa i përket interesave tjera e ka që pjesa e Republikës Serbska në Bosnje ta marr, apo ta pushtojë sikur që e ka aneksuar Krimenë dhe në Maqedoni të jetë prezentë. Mund të themi se ajo ka interes të krijoj “Serbinë e madhe”, këtë synim dhe qëllim tenton ta arrijë në nivelin politik edhe përmes “Ballkanit të Hapur”, një projekt i cili është duke u zhvilluar tani por në aspektin tjetër është duke u përgatitur të komponenta ushtarake”, shtoi ai,
Tutje Shala ka vlerësuar se për shkak të raporteve të tensionuara Serbia armatimin e siguruar mund ta përdorë kundrejt Kosovës.
“Në 2019, 2020 dhe 2021 Serbia ka investuar dhe ka marrë donacione në vlerë afro 500 milionë dollarë nga shteti i Rusisë për të modernizuar komponentën e saj ushtarake dhe kjo reflekton apo do të reflektojë në aspektin e sigurisë edhe për Kosovën por edhe për vendet e rajonit me të cilat Serbia kufizohet”, u shpreh Shala.
“Për faktin që me Serbinë kemi shumë çështje të pazgjidhura, pra të hapura sa i përket normalizmit apo njohjes reciproke në mes neve, shtimi i kapaciteteve ushtarake në një pikë apo në një moment Serbia mund t’i përdorë këto armë e ka treguar në të kaluarën dhe tendenca dhe qëllimi i Serbisë është që mos të jetë pjesë përbërëse e BE-së, por të luaj rolin e një play-maker sa i përket krijimit të trazirave në rajon ku Kosova dhe Republika Serbska janë dy hapësira ku Serbia mund të intervenojë apo të krijoj probleme të caktuara”, ka përfunduar ai për EO.
