2 orë më parëOficeri i UÇK-së e bën hor Agim Bahtirin: I ke lënë varrezat e atyre që kanë vdekur për Mitrovicën në gjendje të mjerë
Periskopi(5 vite më parë)
(5 vite më parë)Një prej ish-udhëheqësve të UÇK-së në Shalë të Bajgores, oficeri në pension Xhafer Preteni, i ka reaguar Agim Bahtirit lidhur me deklarimin e tij se është i gatshëm të vdes për Mitrovicën. Preteni e ka pyetur Bahtirin a turpërohet kur kalon para varrezave të dëshmorëve në Shipol, ku shumica e fotografive mbi varre janë shlyer […]
Një prej ish-udhëheqësve të UÇK-së në Shalë të Bajgores, oficeri në pension Xhafer Preteni, i ka reaguar Agim Bahtirit lidhur me deklarimin e tij se është i gatshëm të vdes për Mitrovicën.
Preteni e ka pyetur Bahtirin a turpërohet kur kalon para varrezave të dëshmorëve në Shipol, ku shumica e fotografive mbi varre janë shlyer gjatë mandatit të Bahtirit si kryetar për shkak të moskujdesjes?
Po ashtu, ai e ka pyetur Bahtirin nëse turpërohet kur merr pjesë në promovim të filmave dokumentarë për Dëshmorët e Kombit e nuk e ka ndarë asnjë cent nga buxheti komunal për financimin e tyre.
Preteni ka thënë se kur qytetari i Mitrovicës e dinë faktin se Bahtiri i ka lënë në këtë gjendje varrezat dhe vlerat e atyre që vdiqën për Mitrovicën dhe Kosovën, si do t’i besojnë demagogjisë së tij se është i gatshëm të vdesë për ta?
“Reagim ndaj deklarimit të mbrëmshëm të kryatarit në ikje Agim Bahtiri në emisionin “Context” ATV se është i gatshëm të vdes për Mitrovicën!
……………………………………..
I nderuari Kryetar në shkuarje Agim Bahtiri!
Mbrëmë në emisionin “Context” ATV je deklaruar se je i gatshëm të vdisësh për Mitrovicën!
Para se ta “ndërmarrësh një hap të tillë patriotik” mu përgjigj të lutem në këto tri pyetje?
1. A turperohësh kur kalon para Varrezave të Dëshmorëve në Shipol, ku shumica e fotografive mbi varre janë shlyer gjat kohës në mandatin tuaj si kryetar? (shih në foto)
2. A turpërohesh kur merr pjesë në manifestimin e Betejave të Lavdishme të UÇK-së, ku ranë dhjetëra Dëshmorë, e kalon pran pllakave përkujtimore të shlyera gjat kohës në mandatin tuaj si kryetar?(shih në foto)
3. A turperohësh kur merr pjesë në promovim të filmave dokumentarë për Dëshmorët e Kombit e nuk e ke nda asnjë cent nga bugjeti komunal për financimin e tyre?
Kur Qytetari i Mitrovicës e din faktin se i ke lënë në këtë gjendje varrezat dhe vlerat e atyre që vdiqën për Mitrovicën dhe Kosovën si do t’i besojnë demagogjisë tënde se je i gatshëm të vdisësh për ta?!!
Mjaft më mjaft!
Mitrovica ka dinjitet!
P.S. Për shkak të ndieshmërisë së familjeve të Dëshmorëve (që ju këkoj falje edhe për këtë foto) nuk i detajizova me foto tjera gjendjen e mjerueshme të varrezave!”, ka shkruar Preteni.
