MSH po i pret edhe 600 mijë vaksina Astrazeneca me afat deri në nëntor

Ministria e Shëndetësisë pritet të marrë edhe 600 mijë doza të tjera të vaskinës Astrazeneca donacion nga shtetet mike, Gjermania dhe Italia.

Kështu njoftoi sot përmes një konference për media ministri Arben Vitia, duke treguar se afati i këtyre vaksinave përfundon në nëntor të këtij viti.

Por, se kur saktësishtë do tu përfundon afati, në fillim apo në fund të nëntorit Ministrit nuk tregojë detaje.

Përmes COVAX Kosova do të përfitojë edhe 500 mijë vaksina Pfizer nga donacionit i SHBA-ve.

“Presim në fund të kësaj jave ose në fillim të javës tjetër të marrin edhe 150 mijë vaksina nga Gjermania dhe një javë më pas, pra në javën e tretë të shtatorit edhe 100 mijë të tjera nga Italia. Janë donacione të miqve tanë që në këtë kohë janë treguar solidar dhe ju jemi çdo herë mirënjohës për këtë çështje. Edhe këto vaksina janë AstraZeneca me afat deri në nëntorin e këtij viti, por gjithashtu presim në fillim të javës tjetër të vijnë edhe pjesa tjetër e vaksinave të prodhuara nga kompania Pfizer përmes COVAX nga donacioni i SHBA-ve prej 500 mijë dozave. Si dhe mbi 200 mijë doza nga kontrata bilaterale që kemi me kompaninë Pfizer dhe të cilat vazhdojnë të vijnë në fillim të çdo jave. Me një fjalë do të kemi mjaftueshëm vaksina”, tha ai.

Vlen të përmendet se prej 180 mijë vaksina të ardhura donacion nga Norvegjia, ministria e Shëndetësisë ka arritur të administroi vetëm 46 mijë prej tyre, kështu duke dështuar të administroj 133.234 doza të tjera të cilave sot u ka skaduar afati.