4 orë më parëMarramendëse: Sa para i fitoi Kosova për një javë nga gjobat për maskë?
Periskopi(5 vite më parë)
(5 vite më parë)Në dy ditët e fundit, zyrtarët policorë të Kosovës janë bërë më të sertë dhe po dënojnë më shumë qytetarë për çështjen e maskës. E gjithë kjo po bëhet me mbështetje të Ligjit të Pandemisë të miratuar në Kuvendin e Kosovës. Por, sa para i fiton shteti nga këto gjoba që po rëndojnë qytetarët në […]
E gjithë kjo po bëhet me mbështetje të Ligjit të Pandemisë të miratuar në Kuvendin e Kosovës.
Por, sa para i fiton shteti nga këto gjoba që po rëndojnë qytetarët në këtë kohë rritje çmimesh të produkteve bazike dhe të varfërisë?
Vetëm në dy ditët e fundit, Policia i ka dënuar rrafsh 8 mijë e 500 qytetarë në të ligjit Covid-19.
Këto dënime, përfshijnë mos-mbajtjen e distancës sociale, mos-mbajtjen e maskës, mos-respektimin e masave nga subjektet afariste [dënime që shkojnë në mijëra euro] etj.
Duke llogaritur vetëm dënimet prej 35 euro, shteti për dy ditë i ka fituar 297 mijë euro.
Dhe, për një javë Policia e Kosovës ka shpërndarë 17 mijë e 487 gjoba për qytetarët e vendit.
Këto gjoba, minimalisht do të gjenerojnë 612 mijë euro.
Dhe trendi i dënimeve, siç e thamë, ka eskaluar në dy ditët e fundit duke kërcyer në mbi katër mijë, nga më pak se 1 mijë sa ishte në fillim të këtij cikli javor, përcjell Periskopi.
Pa llogaritur dënimet e majme të tjera, nëse trendi i dënimeve vazhdon si në dy ditët e fundit, atëherë Policia e Kosovës përmes dënimeve do t’ia sjellë Kosovës për një muaj 4 milionë e 611 mijë euro.
Në rast se trendi i dënimeve vazhdon për një vit, në mesataren minimale të përcaktuar, atëherë shteti do t’i përfitojë 55 milionë e 335 mijë euro – ose me fjalë tjera – do të nxirrte buxhetin që ishte më parë për ushtrinë e Kosovës vetëm nga tiketat e pandemisë.
Disa muaj më parë, Partia Social Demokrate kishte bërë thirrje që gjobat e pandemisë të faleshin dhe madje edhe kishte organizuar peticion për këtë çështje./Periskopi
