6 orë më parëLideri i protestave masive e pranon se kishte gënjyer qe tetë vjet kur tha se vuante nga kanceri
Periskopi(5 vite më parë)
(5 vite më parë)Përpjekjet e Kilit për të rishkruajtur kushtetutën e kohës së diktatorit Pinochet janë goditur nga një zbulim tronditës që një prej anëtarëve kryesorë të protestave ka gënjyer në publik për betejën me kancer. 37 vjeçari me emrin Rodrigo Rojas Vade, e ka pranuar se në fakt nuk ka leukemi – një faktor që i shërbeu […]
37 vjeçari me emrin Rodrigo Rojas Vade, e ka pranuar se në fakt nuk ka leukemi – një faktor që i shërbeu të niste karrierën politike – pasi një gazetë investigative me emrin La Tercera zbuloi inkonsistencat në rrëfimin e tij.
Kur protestat kundër pabarazisë shpërthyen në Kil në tetorin e 2019-s, Rojas Vade ishte vazhdimisht në front të tyre, me sllogane që shkruheshin në gjoksin e tij dhe që përshkruanin vështirësitë e tij për të paguar për kimoterapi, raporton Guardian, përkthen Periskopi.
Në blog ai kishte shkruar “Kanceri, realiteti pa filter”, dhe pastaj kishte dhënë intervista mediale për trajtimin që po merrte.
Por, derisa rrëfimi i tij po bënte bujë, nisi hetimi për rastin.
Në deklarimin zyrtar të aseteve, Rojas Vade kishte thënë se ka borxh prej diku 30 mijë eurove [27 milionë pesos] në Scotiabank, duke vlerësuar që huaja ishte marrë për ta mbuluar trajtimin me kimoterapi.
Por të shtunën, Rojas Vade kërkoi falje në një postim në Instagram, duek thënë se nuk kishte leukemi, dhe se në moshën 29 vjeçare ishte diagnostikuar me një sëmundje që bartte “stigmë të madhe” çka kishte bërë t’iu thoshte miqve dhe familjes se kishte formë të rrallë të kancerit.
“Bëra gabim, gabim të tmerrshëm. Nuk isha i ndershëm me ju, familjen time e të gjithë. Ju kam gënjyer për diagnozën time – nuk kam kancer,” tha ai. /Periskopi
