3 orë më parëKartëmonedha në vlerë mbi 50 milionë euro u dëmtuan nga vërshimet në Gjermani
Periskopi(5 vite më parë)
(5 vite më parë)Banka Qendrore e Gjermanisë ka bërë të ditur se janë përfshirë nga uji më shumë se 50 milionë euro, vlerë e kartëmonedhave të dëmtuara, si pasojë e vërshimeve që prekën disa pjesë të këtij shtetit, në qershor të këtij viti. Bundesbanku bëri të ditur të mërkurën se individët dhe bankat kanë dorëzuar kartëmonedha që ishin […]
Banka Qendrore e Gjermanisë ka bërë të ditur se janë përfshirë nga uji më shumë se 50 milionë euro, vlerë e kartëmonedhave të dëmtuara, si pasojë e vërshimeve që prekën disa pjesë të këtij shtetit, në qershor të këtij viti.
Bundesbanku bëri të ditur të mërkurën se individët dhe bankat kanë dorëzuar kartëmonedha që ishin njomur nga përmbytjet dhe shpesh të kontaminuara me naftë, ujëra të zeza ose baltë.
Paratë e dëmtuara thahen, përpunohen dhe më pas shkatërrohen në një qendër në Mainz që analizon paratë e falsifikuara dhe të dëmtuara, ndërkohë që pronarët e tyre rimbursohen.
Sipas bankës, qendra zakonisht pranon kartëmonedha të dëmtuara në vlerë prej 40 milionë euro çdo vit. Ndërkaq këtë vit, ajo ka pranuar 51 milionë të tilla. Kësisoj, gjermanët ende kanë nevojë të përdorin paratë kesh, më shumë se njerëzit në vendet e tjera evropiane.
Pasi të thahen, paratë e dëmtuara rrafshohen, verifikohen dhe llogariten.
Bundesbanku tha se ka blerë tharëse për të përballuar fluksin e parave të pista, duke vënë në dukje se është e rëndësishme të përpunoni shënimet e njomura shpejt para se të grumbullohen së bashku dhe të bëhen po aq të forta sa betoni.
Më shumë se 180 njerëz kanë vdekur e qindra të tjerë janë lënduar si pasojë e vërshimeve që goditen disa pjesë të Gjermanisë Perëndimore dhe Belgjikën.
