I lidhur me zinxhir dhe duke e fshikulluar me kamxhik, shihni si torturohet hajduti nga talebanët

Kjo masë është ndërmarrë gjatë fundjavës, pranë ministrisë së Arsimit në Kabul, shkruajnë mediat e huaja. Sipas raportimeve, burri, akuzohet për vjedhjen e një celulari.

Në pamje, ai shihet duke ulëritur e përpëlitur nga dhimbjet e shkaktuara nga goditjet e kamxhikut, ndërsa është i lidhur pas një shtylle metalike. Kujtojmë që talebanët erdhën në pushtet nga fundi i korrikut.

Një pjesë e qytetarëve atje, arritën të largoheshin nga vendi dhe u vendosën në vende të shumta Evropiane, përfshirë dhe Shqipërinë. Ndërsa të tjerë, janë të detyruar për të ndjekur rregullat strikte të talebanëve, nga të cilat, është dhe ndalimi i shkollimit për gratë.