2 orë më parëE thirri Kinën i shqetësuar se Trumpi mund t’i sulmonte me armë bërthamore, gjenerali mbron veten
Periskopi(5 vite më parë)
(5 vite më parë)Gjenerali kryesor amerikan, Mark Milley, ka mbrojtur veten pasi në një libër u raportua se kishte pasur thirrje telefonike ‘sekrete’ me Kinën rreth shqetësimeve se mund të plaste lufta bërthamore për shkak të gjendjes mendore të presidentit të kaluar, Donald Trump. Thirrjet e tetorit dhe janarit të kaluar siguronin ushtrinë kineze, tha gjeneral Milley. Z. […]
Thirrjet e tetorit dhe janarit të kaluar siguronin ushtrinë kineze, tha gjeneral Milley.
Z. Trump tha se pretendimet ishin të fabrikuara dhe se Republikanët kishin kërkuar shkarkimin e gjeneralit, raporton BBC, përkthen Periskopi.
Presidenti Joe Biden ka deklaruar se kishte “besim të madh” te gjenerali Milley.
Zëdhënësi i gjeneral Milleyt tha se thirrjet ishin në kuadër të “detyrave dhe përgjegjësive të tij”.
Telefonatat ke gjeneralin kinez Li Zuocheng u zbuluan të martën në disa fragmente nga libri i ri i dy raportuesve të Washington Post.
Libri i titulluar “Rreziku” [ang. Peril] tha që pas përplasjeve të 6 janarit në ShBA, Gjeneral Milley “ishte i sigurt se Trump kishte përjetuar degradim serioz mendor pas humbjes në zgjedhje”.
Ai më pas ishte i shqetësuar se Trump mund të shkaktonte shumë dëme duke pasur pushtetin deri më 20 janar.
Milley kishte siguruar gjeneralin Li se Amerika nuk do t’i sulmonte. “Nëse e bëjmë [ju sulmojmë], atëherë kinezët do t’i paralajmërojmë së pari,” citon fragmenti.
Libri po ashtu thotë se Gjeneral Milley i kishte thënë stafit të tij që nëse z. Trump urdhëron sulm me armë bërthamore, atëherë ai duhej ta konfirmonte para se kjo të kryhej.
Trump e ka akuzuar Milleyn për tradhti. /Periskopi
