“Arrestimi i Gjuriqit, film i Thaçit me Vuçiqin”: Deklarata e Kurtit që na tregon se si ta shohim aksionin e sotëm në Veri

Gjuriq ishte arrestuar nga Policia e Kosovës në një aksion të Policisë së Kosovës në veri, pasi kishte hyrë në Kosovë pa marrë leje nga institucionet e Kosovës.

Kurti kishte qenë mjaft skeptik për këtë arrestim duke e quajtur film të bërë nga ish presidenti Thaçi dhe presidenti i Serbisë, Aleksandër Vuçiq, përcjell Periskopi.

“Gjuriqi është dashur të arrestohet por shumë më herët. Unë besoj që ka pasë të bëj darka Thaçi-Vuçiq që nuk është më sekrete. Në njërën anë ta arrestosh Gjuriqin dhe ta lëshosh pas pesë minutave, ta fillosh shkrimin e statutit të Zajednicës që është shumë problematik dhe në të njëjtën kohë të thuash se duam të vazhdojmë dialogun me Vuçiqin i cili atë mbrëmje na quante terroristë kjo është veçse film”, kishte thënë Kurti duke na zbardhur më shumë për mënyrën se si duhet ta shohim aksionin e sotëm policor.

“Për bindjen time nuk u bënë më shumë se dy ditë për të treguar që nuk bëhej fjalë për sundim të ligjit dhe për rend kushtetues por bëhet fjalë për lojëra politike. Tubimi që u mbajt dje pa Gjuriqin nuk është më pak problematik se tubimi me Gjuriqin që u mbajt të hënën me Gjuriqin. Unë besoj që ky dueti Thaçi- Maxhuni janë ata që e kanë kapur shtetin e kapur”, u shpreh më tej opozitari Kurti, sot kryeministër.

Kurti në seancën e sotme të Kuvendit të Kosovës u shpreh se për marrëveshjen në fjalë ishte pajtuar edhe Serbia./Periskopi