4 orë më parëAmbasada e SHBA’së: Nuk ka asnjë projekt të qeverisë amerikane për gazsjellësin në Kosovë
Periskopi(5 vite më parë)
(5 vite më parë)Këtë të premte ka vazhduar debati për gazin amerikan që raportohej se i është ofruar Kosovës. Në një përgjigje nga Ambasada Amerikane, thuhet se nuk ka asnjë projekt të lidhur me qeverinë amerikane në shqyrtim për të sjellë gazin amerikan në Kosovë. “Nuk ka asnjë project në shqyrtim të lidhur me qeverinë amerikane për të […]
Këtë të premte ka vazhduar debati për gazin amerikan që raportohej se i është ofruar Kosovës. Në një përgjigje nga Ambasada Amerikane, thuhet se nuk ka asnjë projekt të lidhur me qeverinë amerikane në shqyrtim për të sjellë gazin amerikan në Kosovë.
“Nuk ka asnjë project në shqyrtim të lidhur me qeverinë amerikane për të sjellë gazin amerikan në Kosovë. Megjithatë, Qeveria e Kosovës dhe Korporata Financiare e Mijëvjeçarit po shqyrtojnë një projekt të propozuar si pjesë e një serie propozimesh për një kompakt të ri që do të ndihmonte Kosovën në lidhjen me një tubacion ekzistues të transmetimit të gazit natyror në Maqedoninë e Veriut. Shumica e financimit, megjithatë, do të vinte nga fondet e BERZH dhe WBIF. Diskutimet janë duke vazhduar nëse Qeveria e Kosovës do ta mbështesë këtë propozim”, thuhet në përgjigjen e Ambasadës Amerikane për Gazetën Online “Reporteri.net.
Tutje në përgjigjen e Ambasadës Amerikane sqarohet fokusi që do të mund të kishte projekti i tubacionit amerikan të gazit duke renditur 4 ndikime kryesore në ekonominë e Kosovës.
Në përgjigje për Reporteri.net thuhet se infrastruktura jo adekuate energjetike pengon zhvillimin e fuqishëm ekonomik të Kosovës duke përmendur kostot e furnizimit elektrik me qymyr, i cili sipas Ambasadës së ShBA kufizon konkurrencën.
