4 orë më parëVuçiq sërish përzihet për zgjedhjet në Kosovë: Ata që s’janë të bashkuar pas Listës Serbe, do ta kenë të vështirë të fiojnë besimin
Periskopi(5 vite më parë)
(5 vite më parë)Presidenti serb ka shprehur përkrahjen për Listën Serbe në Kosovë. Presidenti i Serbisë, Aleksandër Vuçiq, tha se ata që nuk janë të bashkuar pas Listës Serbe, do ta kenë të vështirë ta fitojnë besimin e qytetarëve, shkruan Informer.rs. “Ne po shkojmë në zgjedhjet lokale në Kosovë, të bashkuar, sepse ata që nuk janë të bashkuar […]
Presidenti serb ka shprehur përkrahjen për Listën Serbe në Kosovë.
Presidenti i Serbisë, Aleksandër Vuçiq, tha se ata që nuk janë të bashkuar pas Listës Serbe, do ta kenë të vështirë ta fitojnë besimin e qytetarëve, shkruan Informer.rs.
“Ne po shkojmë në zgjedhjet lokale në Kosovë, të bashkuar, sepse ata që nuk janë të bashkuar dhe nuk janë prapa Listës Serbe do ta kenë të vështirë të fitojnë besimin e njerëzve”, tha Vuçiq.
Vuçiq shtoi se besimi u fitua në bazë të unitetit dhe jo në bazë të rrënimit, si dhe se “ai ruan identitetin dhe mbijetesën tonë në Kosovë”.
Presidenti i Serbisë iu përgjigj pyetjes së gazetarëve se si i sheh bashkimin e partive shqiptare në komunitetet serbe para zgjedhjeve lokale në Kosovë, duke thënë se “është puna e tyre të bashkohen”.
Kur u pyet se si mund të ndihmohen serbët në Kosovë, Vuçiq tha se ishte e rëndësishme të ruhej populli serb në Kosovë.
“Duhet të flasim dhe shpresojmë që në Prishtinë të kuptojnë se është e nevojshme të flasim. Çdo gjë tjetër është humbje kohe dhe lënia e këtyre problemeve te brezat e ardhshëm”, tha ai.
