Raportohet se presidentja Osmani kthehet të hënën nga pushimi dy javor në Turqi

Lajmi kishte raportuar para ca ditësh ekskluzivisht se presidentja Osmani gjendet me pushime në detin e Turqisë, teksa atje kishte udhëtuar më 2 gusht në orët e mëngjesit.

Siç mëson lajmi.net, ajo atje ka udhëtuar me fëmijët e saj, burrin dhe prindërit nga Aeroporti Ndërkombëtar i Prishtinës në orën 03:00 të mëngjesit me “Pegasus”.

E siç duket, Osmani nuk kthehet në Kosovë pa e mbushur 2-javëshin në bregdetin turk.

Siç mëson lajmi.net nga burimet e veta, Osmani do të kthehet në Kosovë përmes Aeroportit të Prishtinës të hënën, më datë 16 gusht në orën 22:35.

Nga Presidenca tash e disa ditë kanë qenë të “blinduar” duke mos dhënë asnjë informacion se në cilin vend po i kalon pushimet presidentja.

Kjo as pas disa insistimeve të lajmi.net që të dijë më shumë informacione për vendin se ku po qëndron kryetarja e shtetit. /Lajmi.net/