4 orë më parëQeveria: Afganët që do të vijnë në Kosovë do t’i nënshtrohen procesit të verifikimit
Periskopi(5 vite më parë)
(5 vite më parë)Qeveria e Kosovës ka njoftuar se të gjithë afganët që do të vijnë në Kosovës do ti nënshtrohen procesit të verifikimit nga institucionet e sigurisë në Kosovë. Në komunikatën për media të Qeverisë së Kosovës thuhet se “vendimi i miratuar sot, i ofron mbrojtje të përkohshme dhe të menjëhershme kontraktorëve afganë, të cilët aktualisht punojnë […]
Në komunikatën për media të Qeverisë së Kosovës thuhet se “vendimi i miratuar sot, i ofron mbrojtje të përkohshme dhe të menjëhershme kontraktorëve afganë, të cilët aktualisht punojnë për NATO-n, përfshirë familjet e tyre, thuhet në një njoftim për media”, transmeton Periskopi.
Njoftimi i plotë:
Qeveria e Kosovës ka mbajtur sot mbledhje në formë elektronike, në lidhje me ofrimin e mbrojtjes së përkohshme dhe të menjëhershme për personat e rrezikuar nga konflikti i brendshëm në Afganistan.
Vendimi i miratuar sot, i ofron mbrojtje të përkohshme dhe të menjëhershme kontraktorëve afganë, të cilët aktualisht punojnë për NATO-n, përfshirë familjet e tyre, thuhet në një njoftim për media.
Në rast të nevojës e me qëllim të sigurisë kombëtare, ata do t’i nënshtrohen procesit të verifikimit nga institucionet relevante të sigurisë në Kosovë. Ky vendim, në përjashtim të kategorisë së personave, të cilëve u ofrohet mbrojtje, korrespondon me pikat tjera të vendimit numër 01/26 të datës 16.8.2021.
Paraprakisht, me vendim të qeverisë, mbrojtje të përkohshme dhe të menjëhershme i është ofruar personave që janë në proces të aplikimit për Special Immigrant Visa (Vizave të Veçanta Imigruese) të SHBA-së dhe personave të kualifikuar nën grupin P2 (klasifikim i veçantë i përcaktuar nga Departamenti i Shtetit Amerikan si Prioriteti 2), përfshirë familjarët e këtyre dy grupeve, përfundon njoftimi i Qeverisë së Kosovës.
