Nga dita e sotme hyjnë në fuqi masat e reja kufizuese anti-COVID në Maqedoni, sipas të cilave për hyrje në një objekt gastronomik apo ndonjë ngjarje të organizuar do të nevojitet certifikatë që dëshmon marrjen e vaksinës ose vërtetim se e keni kaluar koronavirusin, së paku para një muaj e gjysmë.

Autoritetet thonë se masat e reja kanë për qëllim mbrojtjen e shëndetit publik.

Masat e reja kufizuese të cilat hyjnë në fuqi nga dita e sotme merren pas rritjes së numrit të të infektuarve me COVID-19.

Vetëm gjatë ditës së djeshme Ministria e Shëndetësisë regjistroi 807 raste të reja nga 6,980 teste të kryera. Në 24 orët e fundit, 10 persona vdiqën, nga të cilët pacienti më i ri është 28 vjeç. Shumica e rasteve të reja janë regjistruar dje në Shkup – 240, pason Gostivari me 138 dhe Tetova me 136 raste të reja./alsat-mk