Në cilat vende po shkojnë refugjatët afganë pasi Talebanët morën pushtetin?

Kjo rritje në numra të njerëzve që po ikin vjen pasi 2.2 milionë refugjatë tashmë janë në shtetet fqinje dhe me 3.5 milionë që kanë mbetur të pastrehë brenda kufijve të Afganistanit si rrjedhojë e konfliktit të vazhdueshëm dhe jostabilitetit politik.

Sa afganë po ikin nga vendi i tyre?

Për momentin kjo gjë është e paqartë, shkruan BBC, përkthen Periskopi.

Talebanët kanë thënë se nuk duan që afganët ta lënë vendin. Raportimet tregojnë se vetëm tregtarët dhe ata me dokumente valide udhëtimi janë lejuar që të udhëtojnë.

Mijëra afganë besohet që kanë ikur për në Pakistan menjëherë pasi talebanët morën pushtetin në Kabul. 1500 të tjerë besohet që ishin futur në Uzbekistan dhe po jetojnë në tenda afër kufirit.

Në Kabull, mijëra njerëz ia mësynë ajroportit ndërkombëtar në përpjekje dëshpërimtare për të ikut.

Të premtën, një zyrtar i Natos tha që më shumë se 18 mijë njerëz kanë ikur nga ajroporti prej që talebanët morën pushtetin.

Madje, edhe para se talebanët të merrnin pushtetin, më shumë se 550 mijë njerëz ishin detyruar të iknin nga shtëpitë e tyre prë shkak të luftimeve, sipas UNHCR-së.

Kjo nënkupton se diku 3.5 milionë afganë janë aktualisht të zhvendosur brenda vendit.

Këtë vit, afganët u sfiduan edhe nga thatësira e madhe dhe shkurtesat në ushqim në pjesën më të madhe të vendit. Një raport nga një program i OKB-së vlerësoi që 14 milionë njerëz – ose më shumë se e treta e popullsisë – po vuanin nga uria.

Më poshtë keni tabelën e vendeve që morën numrin më të lartë të afganëve në vitin 2020.

Pakistani prin bindshëm me gati 1.5 milionë, i pasuar nga Irani me 780 mijë, Gjermania me 181 mijë e Turqia me 129 mijë e 300.

Mes shteteve që planifikojnë të marrin refugjatë afganë janë edhe Kosova, Maqedonia e Shqipëria./Periskopi