5 orë më parëMbi 40 të vdekur nga zjarret në Algjeri, shumica ushtarë
Periskopi(5 vite më parë)
(5 vite më parë)Kryeministri i Algjerisë, Ayman Banabderrahmane, tha se mbi 40 persona, përfshirë 25 ushtarë, kanë vdekur nga zjarret në natyrë, që shpërthyen në lindje të kryeqytetit algjerian. Shefi i qeverisë së shtetit verior afrikan gjithashtu i tha televizionit shtetëror se kabineti i tij ka kërkuar ndihmë nga komuniteti ndërkombëtar dhe është në bisedime me partnerët për […]
Shefi i qeverisë së shtetit verior afrikan gjithashtu i tha televizionit shtetëror se kabineti i tij ka kërkuar ndihmë nga komuniteti ndërkombëtar dhe është në bisedime me partnerët për të përdorur aeroplanë kundër zjarreve. Deri më tani janë raportuar 42 vdekje.
Dhjetëra zjarre shpërthyen të hënën në rajonin Kabyle dhe në pjesë të tjera të vendit. Autoritetet algjeriane e angazhuan ushtrinë për t’i ndihmuar qytetarët rreth evakuimit dhe luftës me flakët, shkruan The Guardian.
Shumë zjarre janë aktive në pyje, duke i shkatërruar trupat e ullinjve dhe duke mbytur gjedhe e pula.
Rajoni Kabyle, rreth 100 kilometra në lindje të kryeqytetit Algjer, ka shumë fshatra ku qasja është e vështirë dhe burime të kufizuara të ujit.
Disa fshatarë po evakuohen, ndërsa të tjerët po mundohen të luftojnë kundër zjarreve vetë, duke përdorur kova, degë të drunjve dhe mjete të tjera të kufizuara. Rajoni nuk ka aeroplanë për hedhjen e ujit.
