8 orë më parëKelmendi: Asnjë reagim për koncertin që do mbahet sot në Kosovë nga bendi fashist serb “Riblja Corba”
Periskopi(5 vite më parë)
(5 vite më parë)Gazetari Adriatik Kelmendi, ka bërë të ditur se sonte në Leposaviq të Kosovës, po mban koncert bendi fashist serb “Riblja Corba”,e që për këtë bend askush nuk ka reaguar. Kelmendi thotë se “Si bën që pamë aq shumë reagime për Goran Bregoviqin në Korçë të Shqipërisë, e s’po shohim thuajse asnjë për “Riblja Corba” në […]
Gazetari Adriatik Kelmendi, ka bërë të ditur se sonte në Leposaviq të Kosovës, po mban koncert bendi fashist serb “Riblja Corba”,e që për këtë bend askush nuk ka reaguar.
Kelmendi thotë se “Si bën që pamë aq shumë reagime për Goran Bregoviqin në Korçë të Shqipërisë, e s’po shohim thuajse asnjë për “Riblja Corba” në Leposaviq të Kosovës?”
Ai ka kërkuar llogari nga institucionet se si u lejua ky koncert.
Postimi:
A e dini që sonte në Kosovë mban koncert bendi fashist serb “Riblja Corba? Po, po, bash bendi më çetnik që mund të gjindet!
Këngët e këtij bendi jo vetëm që janë dëgjuar nga serbët që vinin për të bërë masakra, ose që përdoreshin për të kundërshtuar bombardimet e NATO-s (“Avion do të t’i thyej krahët”), por edhe përqeshnin shtetin e Kosovës dhe politikanët kosovarë.
Frontmeni, Bora Gjorgjeviq, e kishte quajtur disa herë Kosovën shtet i trilluar.
“Zgjedhjet që po mbahen atje në thelb e legalizojnë shtetin e Kosovës. Ai shtet nuk ekziston , ai shtet është i trilluar. Nuk përzihem në punët e atjeshme sepse unë nuk jetoj në Kosovë. Qëndrimi i partisë sime është i drejtë nuk duhet të dilet në këto zgjedhje sepse kështu legalizohet shteti i shqiptarëve”, pati thënë Gjorgjeviq më 2013.
I njëjti sonte në Leposaviq të “shtetit të trilluar”, vjen për koncert.
Si bën që pamë aq shumë reagime për Goran Bregoviqin në Korçë të Shqipërisë, e s’po shohim thuajse asnjë për “Riblja Corba” në Leposaviq të Kosovës?
Si u lejua ky koncert nga institucionet e Kosovës, derisa bënim thirrje që institucionet e Shqipërisë ta anulojnë koncertin e Bregoviqit?
Ose, a po e konsiderojmë Leposaviqin pjesë të Kosovës apo jo?!
Një situatë absurdi, por që në fakt është tragji-komike!
