8 orë më parëKamberi i reagon Vuçiqit: Ne, të zgjedhurit e Luginës, ju presim me vite në tavolinën e dialogut nga i cili keni ikur
Periskopi(5 vite më parë)
(5 vite më parë)Shaip Kamberi i ka reaguar presidentit serb pas deklaratës rreth dialogut me Kosovën. Presidenti i Serbisë, Aleksandër Vuçiq, së fundi ka deklaruar se Serbia do të marrë pjesë kurdo që thirret në dialog. Por, sipas tij, me Kurtin nuk ka shumë sens dialogu, pasi thotë se ai flet vetëm për të shkuarën e jo për […]
Presidenti i Serbisë, Aleksandër Vuçiq, së fundi ka deklaruar se Serbia do të marrë pjesë kurdo që thirret në dialog.
Por, sipas tij, me Kurtin nuk ka shumë sens dialogu, pasi thotë se ai flet vetëm për të shkuarën e jo për të ardhmen.
Pas kësaj, ka reaguar deputeti shqiptar në parlamentin serb, Shaip Kamberi.
Ai e pyet Vuçiqin përse e ka bllokuar dialogun me deputetët e Luginës, teksa e fton të shkojë në dialog për të ardhmen, në dobi të uljes së tensioneve mes shqiptarëve e serbëve.
Postimi i plotë:
“Duke folur për dialogun në Bruksel, Presidenti i Serbisë, Aleksandar Vuçiq paska deklaruar se “Serbia gjithmonë do të marrë pjesë në dialog, kurdo që thirret, por nuk shoh shumë sens për të dialoguar me Kurtin, sepse ai flet vetëm për të shkuarën, dhe jo për të ardhmen”.
Vuçiqi madje paska shtuar se shteti që drejton është gjithmonë i gatshëm për negociata, sepse sipas tij procesi i dialogut është në dobi të serbëve dhe se “ndikon në uljen e tensioneve ndërmjet serbëve dhe shqiptarëve”.
Meqë qenkeni i tillë z.Vuçiq, pse e keni bllokuar dialogun me të zgjedhurit e Luginës?
Ne, të zgjedhurit e Luginës, ju presim me vite në tavolinën e dialogut nga i cili keni ikur z.Vuçiq.
Meqë qenkeni për dialog të tillë, le ta rifillojmë dialogun “mbi të ardhmen në dobi të uljes së tensioneve midis shqiptarëve dhe serbëve”.
Pra, me Luginën dhe për Luginën s’doni fare “dialog e negociata” dhe as “ndikim në uljen e tensioneve midis serbëve dhe shqiptarëve”.
E në anën tjetër dëshironi dialog në Kosovë dhe për Kosovën vetëm sipas dëshirave tuaja”.
