6 orë më parëHaradinaj: Pandemia jashtë kontrollit, mashtruesit e kandidojnë ministrin për kryetar të Prishtinës
Periskopi(5 vite më parë)
(5 vite më parë)Kryetari i AAK-së, Ramush Haradinaj, ka folur rreth kandidimit të ministrit aktual të Shëndetësisë, Arben Vitia, për kryetar të Prishtinës në kohën kur Kosova ka rritje ekstreme të koronavirusit. Haradinaj përmes një postimi në llogarinë e tij në Facebook, ka thënë se kandidimi i Vitisë në kohën kur situata pandemike është jashtë kontrollit, e shpërfaq […]
Haradinaj përmes një postimi në llogarinë e tij në Facebook, ka thënë se kandidimi i Vitisë në kohën kur situata pandemike është jashtë kontrollit, e shpërfaq edhe një herë fytyrën e vërtetë të kësaj qeverie.
Ai ka lutur stafin shëndetësor që ta kujdesen për qytetarët, pavarësisht kësaj gjendje që ai e quan mosinteresim nga ana e qeverisë.
Postimi i plotë:
Në kohën kur situata pandemike është jashtë kontrollit dhe Kosova po shënon numër të lartë të rasteve me infeksion, mashtruesit kanë vendosur që ministrin e Shëndetësisë, ta kandidojnë për kryetar të Prishtinës.
Largimi i ministrit Vitia nga përgjegjësitë shtetërore dhe kalimi i vëmendjes së tij tek gara zgjedhore, edhe njëherë e shpërfaq fytyrën e vërtetë të Qeverisë së mashtrimit.
Kjo qeveri, para interesave të ngushta politike, duhet të ketë interesat e shtetit dhe të përkushtohet në menaxhimin e gjendjes së rëndë shëndetësore në vend, që çdo ditë po merr jetë të qytetarëve.
Koston e kësaj gjendjeje, do ta paguajnë jo vetëm pacientët e stafi mjekësor, por edhe ekonomia e vendit, me masat që këta mashtrues do t’i vendosin, ashtu siç mbyllën vendin dhe shkatërruan ekonominë vitin e kaluar.
Pavarësisht nga mosinteresimi i Qeverisë, lus stafin shëndetësor në nivel vendi, që të vazhdojnë të japin kontributin e tyre në kujdesin për qytetarët e Kosovës.
