Ish-presidenti amerikan George W Bush, ka thënë se ai dhe gruaja e tij kanë parë ‘ngjarjet tragjike që po ndodhin në Afganistan me dhimbje të thellë’.

“Zemra tona janë të lënduara si për njerëzit afganë që kanë vuajtur aq shumë dhe për amerikanët dhe aleatët e NATO-s që kanë sakrifikuar kaq shumë”, tha ai në një deklaratë.

Muajin e kaluar, ish-presidenti i tha transmetuesit gjerman Deutsche Welle se ai besonte se pasojat e tërheqjes së ShBA-së nga Afganistani do të ishin “tepër të këqija” për gratë dhe vajzat.

Vërejtjet e tij të fundit vijnë në kontrast të plotë me komentet e tij shpresëdhënëse gjatë një takimi me Presidentin e atëhershëm të Afganistanit Hamid Karzai në 2004, kur Bush përshëndeti “fitoren e parë në luftën kundër terrorizmit.