E diel tragjike, tjetër aksident fatal me dy viktima në Fier

Pas tre viktimave të plazheve shqiptare në Spille e Velipojë, thellohet bilanci treagjik i kësaj të diele.

Një automjet ka rënë në një kanal vaditës në zonën naftëmbajtëse të Marinzës. Policia, autoambulanca dhe zjarrfikësja ndodhen në vendin e ngjarjes. Makina ndodhet e përmbysur në kanal. Dyshohet për dy te vdekur në vend.

Lexo edhe: Pushimet përfundojnë në tragjedi/ Më të fundit nga mbytjet e sotme në Velipojë dhe Spille – Gazeta Express

Nga informacionet paraprake, mund të jenë dy punonjës të një kompanie sigurie që operon në këtë zonë.

Ka qenë gps i makinës, që i përkiste një kompanie sigurie ai që ka sinjalizuar gjithçka. Kjo pasi mjetit për çdo ditë bënte patrullim në këtë zonë, ndërkohë që gps tregoi se për shumë kohë mjeti nuk po lëvizte.

Të gjendur përballë kësaj situate punonjësit e kësaj kompanie janë nisur drejt vendit të ngjarjes dhe kanë parë që makina kishte përfunduar në kanal. Viktimat janë të moshës 50 vjeçe dhe rreth 30 vjeç.

Ka dyshime që drejtuesi i mjetit ka pasur probleme me zemrën, ndërsa nuk përjashtohet të ketë pësuar atak kardiak.

Fier
Informacion paraprak

Sot rreth orës 13:00, në Marinëz është gjetur i përmbysur në një kanal një automjet tip “Nisan”.

Po punohet për nxjerrjen e automjetit nga uji pasi dyshohet se brenda tij mund të jenë 2 persona dhe mund të jenë mbytur nga uji.

Grupi hetimor po punon për zbardhjen e plotë të ngjarjes.