3 orë më parëD+ rekomandon vaksinim të obligueshëm për disa kategori
Periskopi(5 vite më parë)
(5 vite më parë)Demokraci Plus ka dhënë disa rekomandime për të zgjeruar procesin e vaksinimit në Kosovë dhe mbrojtjen nga varianti Delta. Sipas njoftimit, me paraqitjen e variantin Delta, dhe numrit të madh të rasteve me Covid-19, DemocracyPlus ka publikuar raportin me krahasimin e numrave të rasteve me variantin Delta në vendet si: Francë, Lituani, Luksemburg, Mal të […]
Sipas njoftimit, me paraqitjen e variantin Delta, dhe numrit të madh të rasteve me Covid-19, DemocracyPlus ka publikuar raportin me krahasimin e numrave të rasteve me variantin Delta në vendet si: Francë, Lituani, Luksemburg, Mal të Zi, Maqedoni e Veriut, Shqipëri dhe Serbi.
D+ shkruan se sipas ekspertëve shëndetësorë mos vaksinimi i qytetarëve është faktor i varianteve të reja, si dhe ndikon që virusi COVID-19 të shpërndahet. Sipas tyre, përveç sfidës së shpërndarjes së barabartë të vaksinave tek qytetarët, shqetësim mbetet hezitimi i qytetarëve për t’u imunizuar kundër këtij infeksioni.
Nga ky raport D+ jep rekomandime për Ministrinë e Shëndetësisë dhe Institutin Kombëtar të Shëndetësisë Publike të Kosovës (IKSHPK) për motivimin/nxitjen e qytetarëve për t’u vaksinuar.
D+ ka rekomanduar që vaksinimi për mësuesit/et, punëtorët/et e marketeve, personeli në bizneset e hotelerisë, shoferëve/eve të autobusëve dhe taksive të bëhet i obliguar, kjo pasi këto janë kategoritë që kanë kontakte të drejtpërdrejta me qytetarët.
Gjithashtu është rekomanduar vendosja e qendrave për vaksinim në fshatra, pasi jo të gjithë qytetarët e kanë mundësinë të frekuentojnë qendrat kryesore të vaksinimit, të formohen ekipe mobile për vaksinim në zonat më të thella dhe tek pacientët më të moshuar, të organizohen debate publike dhe emisione televizive me ekspert shëndetësor për të shpjeguar efikasitetin e vaksinës, dhe të jetë të hapura për pyetje nga publiku, gjithashtu vaksinimi të vazhdojë edhe gjatë fundjavave, në mënyrë që të ofrohen më shumë mundësi për vaksinim nga qytetarët.
